Agjencia Zhurnal.mk.

MSH-ja do të vaksinojë qytetarët edhe në aeroportin “Adem Jashari”

Ministria e Shëndetësisë së Kosovës tha se gjatë 20 dhe 21 nëntorit do të vaksinojnë kundër koronavirusit qytetarët në Aeroportin Ndërkombëtar “Adem Jashari”.

 

MSH-ja se të gjithë personat e interesuar do të mund të vaksinohen te një ekip mobil që do të vendoset në aeroport.

“Ekipi mobil i vaksinimit që do të jetë nga Qendra e Mjekësisë Familjare e Komunës së Obiliqit, do të vaksinojë për dy ditë radhazi në aeroport nga ora 08:00-16:00”, thuhet në njoftim.

Ndërkaq, të premten më 19 nëntor, Ministria e Shëndetësisë ka dërguar ekipe mobile për vaksinim “edhe në disa këshilla të Bashkësisë Islame të Kosovës në kohën e faljes së xhumasë”.

MSH-ja tha se po bëjnë përgatitjet që brenda disa ditësh të nisë edhe administrimi i dozës përforcuese dhe dozës së tretë të vaksinës kundër COVID-19.

Së fundmi, në Kosovë ka rënë interesimi për t’u imunizuar kundër COVID-19.

Që prej fillimit të fushatës së imunizimit në fund të muajit mars, në Kosovë janë vaksinuar me dy doza 754,429 persona, ndërkaq një dozë kanë marrë 848,452 qytetarë.

Të drejtë për t’u vaksinuar kundër koronavirusit kanë të gjithë personat mbi 12 vjeç. Ata mund të zgjedhin ndërmjet vaksinës së kompanisë, AstraZeneca apo të Pfizer/BioNTech.

Related posts

Tërmet në Kosovë

D V

Kusari-Lila paralajmëron reformën zgjedhore, plotësimin dhe ndryshimin e Ligjit për zgjedhje

D V

Vulin: Kurti do të bëjë gjithçka për t’i dhënë fund bisedimeve

D V

This website uses cookies to improve your experience. We'll assume you're ok with this, but you can opt-out if you wish. Accept Read More