Agjencia Zhurnal.mk.

MPJ e Bullgarisë: Përdorimi i fjalorit urrejtës si instrument për përballje të brendshme politike është i papranueshëm

Shkup, 1 nëntor – Kategorikisht është e papranueshme përdorimi i fjalorit urrejtës si instrument për përballje të brendshme politike, kumtoi Ministria bullgare e Punëve të Brendshme, duke potencuar se ngjarjet nga java e kaluar dhe retorika agresive, e përdorur në fushatën parazgjedhore për kryetar të Qytetit të Shkupit janë edhe një shembull për imponim të atmosferës së mostolerancës dhe moskuptimit në vend ndaj qytetarëve me identitet bullgar dhe ndaj Republikës së Bullgarisë.

 

Nga MPJ bullgare theksojnë se janë përmbajtur nga reagimi i shpejtë, sepse nuk kanë dashur të kyçen në polemikë parazgjedhore në RMV.

“Ky pozicion konzistent i mospërzierjes në proceset politike në vendin tonë fqinj nuk do të thotë se e pranojmë diskriminimin e vazhdueshëm dhe fjalorin urrejtës ndaj qytetarëve të Republikës së Maqedonisë, të cilët në ndonjë mënyrë janë të lidhur me Republikën e Bullgarisë dhe popullin bullgar, ceket në kumtesën e MPJ-së bullgare.

Nga atje cekin se sjellja metodat e tillë  stimulojnë dukuri të diskriminimit dhe mostolerancës.

“Kjo paraqet mohim të drejtpërdrejtë të vlerave themelore evropiane dhe është në kundërshtim me të gjitha normat demokratike. Kjo kontribuon për krijim të mjedisit të pavolitshëm për qytetarët e Republikës së Maqedonisë së Veriut me vetëdije bullgare dhe për secilin që dëshiron të zhvillojë marrëdhënie miqësore me Republikën e Bullgarisë”, thekson MPJ bullgare”, lajmëroi BTA.

Nga Ministria bullgare porositën se “mosukssesi i fushatës antibullgare në zgjedhje tregon se ajo nuk merr mbështetje nga qytetarët e Republikës së Maqedonisë së Veriut”.

“Presim që ky të jetë stimul shtesë për përfaqësuesit e të gjitha partive politike në të ardhmen të përmbahen nga përdorimi i të ashtuquajturës ‘kartë bullgare’ në kontekst të përballjes politike dhe shoqërore. Në pajtim me nenin 11, paragrafi 6 i Marrëveshjes për miqësi, miqësi fqinjësore dhe bashkëpunim mes Republikës së Bullgarisë dhe Republikës së Maqedonisë së Veriut, të dy palët duhet të ndërmarrin “masa efektive për parandalim të propagandës jo qëllim-mirë nga ana e institucioneve dhe agjencive dhe do t’i dekurajojnë aktivitetet e subjekteve private të kahëzuara drejt nxitjes së dhunës, urrejtjes apo veprimeve të ndryshme të cilat do t’i dëmtonin marrëdhëniet tona”, theksuan nga MPJ bullgare.

Nga Ministria e Punëve të Jashtme e Bullgarisë potencuan se zbatimi strikt, i vetëdijesuar dhe gjithpërfshirës i detyrimeve obliguese ndërkombëtare është me rëndësi kyçe dhe mbetet parakusht për përparim në inkuadrimin në BE.

“Republika e Bullgarisë, me vëmendje të posaçme do t’i ndjekë të gjitha proceset lidhur me krijimin e kushteve të domosdoshme për vetëidentifikim të lirë dhe ruajtje të të drejtave të qytetarëve me identitet bullgar në RMV dhe do të vazhdojë të bëjë përpjekje për mbrojtjen e tyre në pajtim me të drejtën ndërkombëtare”, thekson MPJ e Bullgarisë. 

Related posts

Pendarovski-Veçiq: Shkupi dhe Podgorica ndajnë qëllime dhe vizione identike të jashtme – politike

D V

Apasiev: Videoja e Kastriot Rexhepit mua mu duk si ato pengjet e organizatave terroriste para ekzekutimit

D V

Vanhaute: Zaevi shpejtoi me dorëheqjen, zgjedhjet lokale nuk duhet ndikuar në pushtetin qendror

Z H

This website uses cookies to improve your experience. We'll assume you're ok with this, but you can opt-out if you wish. Accept Read More