Shkup, 23 gusht – Në kuadër të aktiviteteve të vazhdueshme parandaluese të Sektorit për parandalim në SPB Shkup, në kuadër të planit operativ “Verë e sigurt 2022”, dje është realizuar aktivitet parandalues në zonën e Sektorit të policisë Haraçinë nën moton “Festoni me zemër, jo me armë”.
Qëllimi i këtij aktiviteti, siç bëjnë me dije nga MPB, është afirmimi i sjelljes së ndërgjegjshme dhe të përgjegjshme të qytetarëve gjatë festimeve, pa përdorimin e armëve apo materialeve të tjera piroteknike, sepse përdorimi i armëve mund të ketë pasoja serioze, përkatësisht kërcënime të drejtpërdrejta për shëndetin dhe jetën e qytetarëve.
“Aktivitetet janë zhvilluar në disa lokacione në fshatin Haraçinë – objekti komunal, përballë disa objekteve hotelierike dhe shërbyese. Duke vepruar kështu, punonjësit e policisë diskutuan dhe u vunë në dukje qytetarëve rreziqet e përdorimit të armëve gjatë festave dhe ahengjeve, i njoftuan për normat ligjore që sanksionojnë një sjellje të tillë dhe sigurisht për rreziqet e përdorimit të armëve. Njëkohësisht qytetarëve iu shpërndanë materiale të shtypura informative në drejtim të njohjes plotësuese edukative dhe informative, me qëllim të ngritjes së nivelit të ndërgjegjes dhe respektimit të rregullave pozitive ligjore, thuhet në njoftimin e Ministrisë.
Qytetarëve iu tha gjithashtu se fishekzjarrët duhet të raportohen në stacionet e policisë apo repartet e zonës ku organizohen, në varësi të kategorisë së tyre dhe organizatorët të marrin masat e parapara me kohë.
