Shkup, 18 gusht – Moti sot do të jetë me diell dhe i nxehtë, me vranësira të vogla lokale. Pasdite, kryesisht në pjesët perëndimore, vranësirat do të rriten dhe do të ketë kushte për dukuri të izoluar të reshjeve të rrëmbyeshme të shiut. Do të fryjë erë e dobët deri mesatare kryesisht nga drejtimi verior.
Temperatura minimale do të jetë në interval prej 13 deri 23, ndërsa maksimalja prej 31 deri 38 gradë. UV indeksi do të jetë 8.
Në Shkup, moti do të jetë me diell dhe me vranësira të vogla mesatare, më të mëdha në orët e pasdites. Do të fryjë erë e dobët deri mesatare nga drejtimi verior. Temperatura minimale do të zbresë deri 19, ndërsa maksimalja do të arrijë deri 37 gradë.
Nën ndikim të masës së ngrohtë ajrore në ditët në vijim moti do të jetë shumë i nxehtë me temperatura ditore mbi 35 gradë. Dukuri të izoluar të reshjeve të rrëmbyeshme dhe bubullima do të ketë nesër kryesisht në pjesët perëndimroe në orët e pasdites dhe të shtunën nga mesi i ditës. Të dielën dhe të hënën, posaçërisht përgjatë luginës së Vardarit do të ketë erë të përforcuar veriore.
