Agjencia Zhurnal.mk.

Miratohet dhënia e vaksinës për fëmijët e moshës 5 deri 11 vjeç

Ministria e Shëndetësisë ka njoftuar se ka miratuar vaksinimin me vaksinën kundër COVID-19 edhe për fëmijët e moshës 5-11 vjeç.

MSH ka treguar se kanë siguruar doza pediatrike të vaksinës antiCOVID, si donacion nga SHBA-të përmes COVAX-it, derisa kanë siguruar edhe materiale përcjellëse për vaksinim.

“Pas sigurimit ditë më parë dozave pediatrike të vaksinës kundër COVID-19, donacion nga Shtetet e Bashkuara të Amerikës përmes mekanizmit COVAX dhe sigurimit të materialeve përcjellëse për vaksinim, fëmijët e moshës 5-11 vjeç, nën përkujdesjen e prindit ose kujdestarit ligjor, mund të vaksinohen që tani kundër COVID-19 në njësitë e vaksinimit në komunat e Kosovës”, thuhet në njoftim.

MSH ka rikujtuar se:

• Grupmosha 60+ vjeç mund të vaksinohen me dozën e katërt me kusht që të kenë kaluar së paku 4 muaj nga marrja e dozës së tretë.

• Grupmosha 12+ vjeç mund të vaksinohen me dozën e parë, të dytë dhe të tretë;

• Grupmosha 5-11 vjeç me dozen e pare dhe dozën e dytë.

Kujtojmë që ditët e fundit janë shënuar numër i madh i rasteve të reja me COVID. Vetëm sot u regjistruan afër 900 raste të reja.

Related posts

Hamza: I kam rritur pagat si ministër, do t’i rris edhe si Kryeministër

Xh M

Nënkryetarja e PE-së: Sanksionimi vetëm i Kosovës në mosmarrëveshjen me Serbinë, sinjal kontradiktor nga KE-ja

D V

Byrnes për komunikatën 63: Dokument politik që synon ta vendosë në pozitë të favorshme Shtabin e UÇK-së

D V

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy