Shkup, 8 mars – Ministrja e Mbrojtjes, Sllavjanka Petrovska së bashku me delegacionin e Ministrisë, qëndron për vizitë zyrtare në Mbretërinë e Bashkuar dhe në Ministrinë britanike të Mbrojtjes.
Në Londër, ministrja Petrovska do të takohet me nikoqirin e saj, ministrin e Mbrojtjes të Mbretërisë së Bashkuar, Ben Valas.
Takimit zyrtar do t’i paraprijë ceremonia e pritjes me nderime të larta ushtarake. Petrovska do të takohet edhe me gjeneral nënkolonelin Robert Magovan, zëvendës komandantin e Komandës strategjike, si dhe me Dejvid Kuari, zëvendës-këshilltarin nacional të sigurisë.
Në vigjilje të vizitës zyrtare, ministrja Petrovska dje në Londër u takua me përfaqësuesin special të Mbretërisë së Bashkuar për Ballkanin Perëndimor, Sër Stjuart Piç dhe mori pjesë në një tryezë të rrumbullakët mbi sfidat bashkëkohore të sigurisë dhe ndikimin e tyre në Ballkanin Perëndimor, organizuar nga Instituti mbretëror RUSI (The Royal United Services Institute). Petrovska u takua edhe me me Alisha Herbert, të dërguaren speciale të sekretares së Shtetit dhe me ministre për Gratë dhe Barazinë në Qeverinë britanike, Liz Tras, dhe pati një darkë pune në Parlamentin britanik me Martin Vikers, deputet dhe kryetar i parlamentit separatist, grupi për Maqedoninë e Veriut.
