Shkup, 1 korrik – Lideri i VMRO-DPMNE-së, Hristian Mickovski sonte përsëri e ftoi kryeministrin Zoran Zaev në duel televiziv.
“E ftova Zaevin që të dalim në debat, nuk u inkurajua. Ja, përsëri e ftoj në duel, ta themi të vërtetën. Qytetarët meritojnë ta dëgjojnë”, tha Mickovski në TV Sitel ku ishte mysafir.
Sipas tij, përmbushja e detyrës sonë të shtëpisë është kyçe që t’i fillojmë bisedimet me BE-në, e jo çështja me Bullgarinë.
“Së pari duhet ta përmbushim detyrën e shtëpisë. Nëse ne jemi partneri i dëshirueshëm këto që janë ekzibicione te fqinji ynë lindor, shumë shpejtë do të margjinalizohen”, potencoi Maickovski.
Gjatë qëndrimit në Bruksel, Mickovski tha se ka kërkuar që BE-ja ta përmbushë premtimin.
Propozimi portugez është refuzuar, nuk ekziston, vlerësoi Mickovski, duke potencuar se ai është realiteti. Përfundoi devijimi nga esenca maqedonase”, tha lideri i VMRO-DPMNE-së. Tani duhet ta fitojmë atë që na është premtuar.
Sa i përket presidencës sllovene, Mickovski është i bindur se Janez Jansha do të bëjë maksimumin që vendi t’i fillojë bisedimet. Propozim slloven nuk e di se a do të ketë, por duhet të ketë, theksoi, ofertë maqedonase.
Në lidhje me qëndrimin në Bruksel dhe bisedimet të cilat i ka pasur atje, Mickovski tha se nuk duhet ta humbim shpresën se vendi do të jetë pjesë e BE-së. Na ishte premtuar, përsëriti, ndërsa ky popull sakrifikoi shumë.
Në pyetjen se a do shkojë në pushim, Mickovski u përgjigj se ndoshta do të shfrytëzojë vetëm ndonjë fundjavë dhe se do të jetë i përqendruar në takime në fshatra dhe qytetet e shtetit.
