Michail Antonio shënoi një gol mahnitës nga distanca të martën mbrëma, teksa Xhamajka barazoi 1-1 me SHBA-në në ndeshjen e tyre kualifikuese për Kupën e Botës “Katar 2022”.
Antonio ka qenë në formë të shkëlqyer për West Ham United këtë sezon, duke shënuar gjashtë gola në vetëm 10 paraqitje të Ligës Premier, dhe Xhamajka shpresonte se ai do ta sillte atë formë në ekipin kombëtar.
Megjithatë, të martën ai shkoi mbi formën e tij, duke shënuar një lloj goli që nuk e ka shënuar kurrë në ligën e parë të Anglisë, dhe asnjëherë në shtatë vjet.
31-vjeçari shënoi një gol mahnitës, nga jashtë zonës, të cilin nuk e ka bërë kurrë në Ligën Premier, pasi ‘Reggae Boyz’ fituan një pikë të shkëlqyer kundër SHBA-ve.
Goli i Antonios erdhi nga më larg se 30 metra në minutën e 22-të të takimit.
Ndryshe, Antonio ishte thirrur më parë në skuadrën e Anglisë nga Sam Allardyce dhe Gareth Southgate, por nuk ka luajtur kurrë asnjë ndeshje për Tre Luanët.
Në fillim të këtij viti u zbulua se ai do të luante për Xhamajkën dhe donte t’i ndihmonte ata të kualifikoheshin për Kupën e Botës “Katar 2022”.
