Agjencia Zhurnal.mk.

Merkel gati për pension, dëshiron të lexojë më shumë, po pushon dhe udhëton pak

Kancelarja gjermane në largim Angela Merkel tha se pas 16 vjetësh në pushtet, ajo tani mezi pret t’i kushtojë më shumë kohë, si pensioniste, gjërave që duhej t’i linte pas dore kur ishte në detyrë.

 

Merkel (67) tha se ajo dëshiron “ndoshta të udhëtojë ose të lexojë pak, ose thjesht të shijojë kohën e saj të lirë duke e ditur se asnjë ndryshim i mundshëm nuk mund të ndodhë në 20 minutat e ardhshme”, raporton Frankfurter Allgemeine Zeitung.

Kancelarja, e cila njoftoi në vitin 2018 se nuk do të kandidonte më në zgjedhjet parlamentare të mbajtura në shtator, e udhëhoqi Gjermaninë përmes një sërë krizash, duke përfshirë krizën financiare globale, krizën e migrantëve dhe pandeminë e coronavirusit.

Ajo tha se vitet e saj në detyrë e plotësuan, por ishin edhe sfiduese për shkak të nevojës së vazhdueshme për të tërhequr vëmendjen, për të parandaluar diçka apo për të reaguar ndaj krizave.

“Mund të them me ndjenjë të mirë se është e drejtë që dikush tjetër të marrë drejtimin”, tha Merkel.

Kancelarja në largim, e cila do të qëndrojë në detyrë deri në formimin e qeverisë së re, tha se “melankolia mund të vijë pak më vonë”, por shtoi se ndjehet mirënjohëse që mund t’i shërbejë vendit.

Related posts

I kujt është faji për mungesën e energjisë?

Z H

Kina reagon për akuzat e ShBA-së  mbi gjurmimin e virusit

Redaksia

Çështjet mjedisore kerkojne veprim global

Z H

This website uses cookies to improve your experience. We'll assume you're ok with this, but you can opt-out if you wish. Accept Read More