Agjencia Zhurnal.mk.

Mehaj bashkëbisedon me gjeneralin Clark për zhvillimet e fundit gjeopolitike në rajon

Ministri i Mbrojtjes, Armend Mehaj ka zhvilluar një takim virtual me gjeneralin Wesley Clark.

 

Mehaj ka thënë se me Clark ka biseduar për zhvillimet e fundit gjeopolitike në rajon, transmeton Telegrafi.

“Përgëzimet e Gjeneral Wesley Clark për sukseset tona janë inkurajim i madh dhe motivim i veçantë për të vazhduar edhe më fuqishëm drejtë synimeve tona. Krahas takimeve, prezantimeve e diskutimeve gjatë vizitës në SHBA, konsultimet me Gjeneral Clark janë shumë të rëndësishme në secilin angazhim. Në bashkëbisedimin e sotëm me të, diskutuam për zhvillimet e fundit gjeopolitike në rajon, me fokus në rolin e Kosovës në këto rrethana sfiduese për paqen, sigurinë dhe stabilitetin rajonal dhe më gjerë”, ka shkruar Mehaj.

Tutje, ministri thotë se “Gjeneral Clark më përgëzoi për spektrin e gjerë dhe të suksesshëm të angazhimeve tona, me theks në pjesëmarrjen tonë efektive në operacionin humanitar mbështetës të NATO-s për akomodimin e refugjatëve afganë të udhëhequr nga ushtria amerikane, si dhe përmbylljes me sukses të misionit të parë të FSK-së jashtë vendit”.

“Me gjeneral Clark u dakorduam për vazhdimin e konsultimeve të rregullta, në funksion të realizimit të qëllimeve dhe objektivave të mi strategjik. Gjeneral Clark edhe këtë herë shprehu përkrahjen e plotë dhe të pakursyer për mbështetje nga eksperienca profesionale dhe autoriteti i tij shumë i lartë, për Ministrinë e Mbrojtjes.

Falënderim dhe mirënjohje e përjetshme për Heroin tonë, Gjeneral Clark dhe të gjithë autoritetet vendim-marrëse amerikane për gjithçka që keni bërë dhe jeni duke bërë për Kosovën dhe botën demokratike! Kosova dhe populli i saj nuk harron mbështetjen tuaj, prandaj është dhe do të jetë gjithmonë përkrahë jush, si vendi dhe populli më proamerikan në botë”.

Përgëzimet e Gjeneral Wesley Clark për sukseset tona janë inkurajim i madh dhe motivim i veçantë për të vazhduar edhe më…

Posted by Armend Mehaj on Saturday, October 30, 2021

Related posts

Milionat e ndara nga Qeveria nuk zgjidhin problemin e qenve endacakë

D V

MASHTI shpreson që më 13 shtator të nisë mësimi në shkolla

D V

Borrell mirëpret marrëveshjen Kosovë-Serbi: Të dyja vendet të angazhohen për normalizim të shpejtë të marrëdhënieve

D V

This website uses cookies to improve your experience. We'll assume you're ok with this, but you can opt-out if you wish. Accept Read More