Agjencia Zhurnal.mk.

Mbi 8 mijë civilë të vrarë, përfshirë 437 fëmijë

Qindra shpërthime të fuqishme kanë ndodhur në zonën e Zaporizhias gjatë natës së kaluar. Kjo gjë ka alarmuar ekspertët e Agjencisë Ndërkombëtare për Energjinë Atomike të cilët ndodhen në këtë central bërthamor.

 

Ata kanë njoftuar për dëmtimin e ndërtesave, sistemeve dhe pajisjeve të ndryshme, por kanë siguruar që asnjëra nga dëmtimet nuk është në një nivel kritik për sigurinë bërthamore.

Drejtori i Agjencisë Ndërkombëtare për Energjinë Atomike Rafael Grossi ka kërkuar që të arrihet sa më parë një marrëveshje për të krijuar një zonë sigurie dhe mbrojtje bërthamore rreth centralit sa më parë që të jetë e mundur.
Ndërkohë zyra e Prokurorit të Përgjithshëm të Ukrainës ka regjistruar rreth 8311 humbje jetësh ndër civilë, ndër të cilët 437 fëmijë, që nga fillimi i pushtimit rus më 24 shkurt. Civilët të cilët kanë mbetur të plagosur janë rreth 11 mijë. Sipas këtyre burimeve, numri në të vërtetë mund të jetë shumë herë më i lartë.

Në një intervistë për Sky News zëvendësministri i mbrojtjes i Ukrainës Volodimir Havrilov është shprehur që Lufta në Ukrainë do të përfundojë në fund të pranverës së ardhshme. Vetë presidenti i Ukrainës Volodimir Zelenksi tha gjatë ditës së sotme që Rusia po kërkon një armëpushim të shkurtër, por ky propozim është hedhur poshtë pasi iu mundëson trupave të Moskës që të ri-organizohen.

Gjatë vizites se tij te parë ne Ukraine, kryeministri i ri britanik Rishi Sunak, ka njoftuar edhe një paketë të re ndihmash ushtarake për Ukrainën të cilat arrijnë në vlerën 50 milionë paund. Ai ka siguruar presidentin Zelenski që Britania do të qëndrojë në krah të Ukrainës derisa ajo të ketë siguruar paqen dhe sigurinë për të cilën ka nevojë dhe e meriton.

Po ashtu dhe ministrja e mbrojtjes spanjolle Margarita Robles ka njoftuar dërgimin e armatimeve të reja në Kiev gjatë javës së ardhshme.

Related posts

BE-ja planifikon 195 miliardë euro për pavarësinë energjetike nga Rusia

Xh M

Kina përballet me valën më të rëndë të pandemisë prej 2020-ës

D V

Abazoviq dhe Gjukanoviq tejkalojnë mosmarrëveshjet

Xh M

This website uses cookies to improve your experience. We'll assume you're ok with this, but you can opt-out if you wish. Accept Read More