Një ngjarje e rëndë është regjistruar pasditen e kësaj të marten ë Dibër. Raportohet se një 15-vjeçar ka plagosur aksidentalisht me armë zjarri nënën e tij.
Ngjarja e rëndë është regjistruar në shtëpinë e të miturit, në fshatin Selishtë të Dibrës. 15-vjeçari është shoqëruar në komisariat ndërsa nëna e tij, Sh.L., rreth 46 vjeç po merr ndihmën mjekësore. Mësohet se 46-vjeçarja është jashtë rrezikut për jetën.
Njoftimi i plotë:
Plagosi aksidentalisht me armë zjarri nënën e tij, Policia shoqëron në Komisariat të miturin, autori i dyshuar i ngjarjes.
Sekuestrohet arma e zjarrit kallashnikov.
Rreth orës 17:00, në fshatin Selishtë, Dibër një shtetas i mitur 15-vjeç, dyshohet se aksidentalisht në banesë ka plagosur me armë zjarri, nënën e tij shtetasen Sh.L., rreth 46 vjeçe e cila po merr ndihmë mjekësore në spital dhe ndodhet jashtë rrezikut për jetën.