Agjencia Zhurnal.mk.

Marrëveshja e grurit të Detit të Zi zgjatet me 120 ditë

Ministri i infrastrukturës i Ukrainës ka thënë se marrëveshja e eksportit të grurit në Detin e Zi e arritur në korrik do të zgjatet edhe për 120 ditë të tjera.

 

“Nisma #BlackSeaGrain do të zgjatet për 120 ditë”, shkroi ministri Oleksandr Kubrakov në Twitter, duke e quajtur atë “një hap tjetër të rëndësishëm në luftën globale kundër krizës globale të ushqimit”.

“Ky vendim sapo u mor në Stamboll. Kombet e Bashkuara dhe Turqia mbeten garantues të Nismës”, thuhet në një deklaratë të ministrisë.

Marrëveshja lejoi mbi 9 milion ton mallra drithëra dhe farëra vajore të dërgoheshin nga portet e Ukrainës dhe ndihmoi në stabilizimin e tregjeve të drithërave dhe frenimin e çmimeve globale pasi ato arritën nivele rekord

Ukraina luan një rol kyç në tregun global të ushqimit. Sipas OKB-së, vendi normalisht furnizon botën me rreth 45 milionë tonë drithë çdo vit. Ajo renditet ndër pesë eksportuesit kryesorë globalë të elbit, misrit dhe grurit. Është gjithashtu eksportuesi më i madh i vajit të lulediellit, duke zënë 46% të eksporteve botërore.

Related posts

Ambasadori kinez, diskutime “të thella e të sinqerta” me diplomaten amerikane

Redaksia

Kryetari i ri i Nju Jorkut dëshiron të paguhet me bitcoin

D V

FMN-ja: Ekonomia kineze do të rritet 8.4 % sivjet

Z.H

This website uses cookies to improve your experience. We'll assume you're ok with this, but you can opt-out if you wish. Accept Read More