Agjencia Zhurnal.mk.

Mariçiq nga Strazburgu: Rolin e Parlamentit në negociatat aderuese do ta definojmë me Memorandum për bashkëpunim

Shkup, 6 tetor – Zëvendëskryeministri për çështje evropiane dhe kryenegociator me Bashkimin Evropian, Bojan Mariçiq, në fjalimin e tij në takimin e 20-të të Komisionit të përzier parlamentar midis Maqedonisë së Veriut dhe BE-së, e theksoi rëndësinë për përfshirje dhe bashkëpunim me aktorë të ndryshëm shoqëror, duke vendosur theks në Parlamentin, si institucion kyç për avancimin e negociatave dhe dinamikën e tyre.

 

“Parlamenti është partner i rëndësishëm në aderimin në Bashkimin Evropian dhe prandaj roli i organeve të tij – Komisioni për çështje evropiane dhe Këshilli kombëtar për eurointegrime, do t’i definojë përmes Memorandumit për bashkëpunim. Duke e kuptuar rëndësinë që të ketë konsensus kombëtar, do t’i bëjmë të gjitha përpjekjet që të përfshihet opozita në proces”, tha Mariçiq.

Ai theksoi se vendi e ka parashikuar dinamikën e tij në lidhje me anëtarësimin e plotfuqishëm në Bashkimin Evropian dhe konkretisht në lidhje me përgatitjet tona për procesin e shqyrtimit dhe aktivitetet pasuese, duke dhënë një pasqyrë të shkurtër të strukturës së miratuar të negociatave, e cila aktualisht është duke u funksionalizuar, dhe bazohet në mekanizmat afatgjatë për koordinimin e BE-së, por gjithashtu pasqyron risitë e metodologjisë së rishikuar të BE-së për negociatat aderuese.

Në Parlamentin Evropian, Mariçiq e theksi kënaqësinë e tij për mbështetjen të cilën e marrim përmes aktiviteteve në kuadër të dialogut “Zhan Mone” dhe shprehu besimin se bashkëpunimi do të intensifikohet dhe se përvoja e eurodeputetëve dhe komunikimi i rregullt me ​​deputetët e Kuvendit tonë. do të jetë një ndihmë e jashtëzakonshme se si të përmirësohet më tej roli i Parlamentit, si forum për dialog politik konstruktiv.

“Mbështetja, partneriteti dhe këshillat tuaja do të vlerësohen edhe më shumë në përgatitjet tona për skriningun bilateral, sepse njëra prej fushave të reja “Funksionimi i institucioneve demokratike” në klasterin 1 – “Themele”, që është më e rëndësishmja nga procesi i aderimit, si dhe nënfusha për funksionimin e parlamenteve në institucionet demokratike”, porosit Mariçiq.

Ai e shfrytëzoi rastin dhe shkurt i informoi eurodeputetët për vijimin e procesit të skriningut, për negociatat e përfunduara me sukses për Marrëveshjen e statusit me FRONTEKS dhe e paralajmëroi nënshkrimin për disa javë.

“Me krenari mund të them se Maqedonia e Veriut është vendi i parë në rajon që e ka marrëveshjen sipas Rregullores për roje kufitare evropiane dhe bregdetare nga viti 2019. Në pjesën e qeverisjes së ligjit, në vijim janë aktivitetet për përgatitjen e strategjisë së re gjyqësore, si dhe procesi i digjitalizimit të gjyqësisë”, shtoi Mariçiq, duke shtuar se hetimet financiare vazhdojnë, ndërsa pritet që propozim-ligji për Administratën për pagesën e pronës të hyjë në procedurë kuvemdore.

Sot në Strasburg vazhdon dita e dytë e seancës së Komitetit të përzier parlamentar midis Maqedonisë së Veriut dhe BE-së, me pika të rëndësishme të rendit të ditës zhvillimin e debatit, si kriza energjetike dhe mjedisi jetësor, marrëdhëniet e mira fqinjësore, bashkëpunimi rajonal dhe Raporti i Dialogut “Zhan Mone”.

Related posts

Limani: Babai im u vra në shtetrrethim që Ali Ahmeti të kthehej në vendlindje

D V

Azeski: Po hyjmë në pasiguri e cila është katastrofale për biznesin

Z.H

Osmani: VMRO/ASH-AAA koalicion nga nevoja për pushtet, rrezikojnë Kërçovën dhe Bërvenicën

D V

This website uses cookies to improve your experience. We'll assume you're ok with this, but you can opt-out if you wish. Accept Read More