Agjencia Zhurnal.mk.

Maqedoni: Ekspertiza për aksidentin që mori 45 jetë ende nuk është gati

Shkup, 25 dhjetor – Kanë kaluar më shumë se një muaj nga aksidenti i tmerrshëm në Bullgari, ku humbën jetën 45 shtetas të vendit tonë. Ekspertiza për shkaqet e aksidentit ende nuk ka dalë, ndërsa sipas paralajmërimeve të autoriteteve bullgare, raporti pritej të dilte sot më 25 dhjetor.

 

Në ndërkohë, në autostradën ku ndodhi aksidenti, janë bërë disa riparime. Siç bën me dije korrespodenti i MIA-s nga Sofja, në vendin e ngjarjes tashmë janë zëvendësuar mbrojtëset e vjetra rrugore me të reja, shenjat rrugore janë riparuar, kurse shpejtësia e lejuar maksimale mbetet 120 km në orë.

Gardhi mbrojtës midis mbylljes së korsisë së pushimit dhe korsisë aktive, në pjesën ku ka dalë dhe ka marrë flakë autobusi i Besa Transit, është zëvendësuar tërësisht me një të ri dhe më të lartë.

Po ashtu, një kurorë lulesh në kujtim të viktimave është vendosur në tabelën “32 km”.

Pas aksidentit më 23 nëntor, komunikacioni në korsinë për Dupnicë dhe Kullë ishte mbyllur për trafik, për shkak të veprimeve hetuese dhe për të bërë ekspertizë.

Agjencia për ndihmë rrugore në Bullgari, pas aksidentit ka kryer një anketë për atë pjesë të rrugës për të përcaktuar nëse shenjat, gardhi mbrojtës dhe shenjat horizontale në atë vend të aksidentit, janë në korniza të normave ligjore.

Në aksidentin tragjik që ndodhi në autostradën “Struma” në më 23 nëntor të këtij viti ndërruan jetë 45 persona, prej të cilëve 12 fëmijë, ndërsa shtatë u lënduan. Ata po ktheheshin nga udhëtimi turistik në Turqi.

Related posts

Arjanit Hoxha: Struga nga qytet i kulturës u shndërrua në qytet i krimit, vrasjeve dhe korrupsionit 

Redaksia

Carovska i falënderoi mësimdhënësit për përkushtimin dhe punën në kushte të pandemisë

D V

Moti sot i vranët dhe me rreshje shiu

Z H

This website uses cookies to improve your experience. We'll assume you're ok with this, but you can opt-out if you wish. Accept Read More