Agjencia Zhurnal.mk.

Manoleva: Pikat në shtëpitë e shëndetit punojnë me orar të vazhduar të punës

Shkup, 12 shkurt – Janë dhënë rekomandime nga ana e Komisionit për sëmundje ngjitëse, para së gjithash për mundësi që të imunizohen ata fëmijë të cilët në kalendarin e rregullt të vaksinimit nuk janë imunizuar kundër kollës së mirë. Njëherit, pikat në shtëpitë e shëndetit punojnë me orar të vazhduar të punës. Këtë e deklaroi sot zëvendësministrja e Shëndetësisë në Qeverinë teknike, Maja Manoleva, duke u përgjigjur në pyetje të gazetarëve.

“Konkretisht, në Shtëpinë e shëndetit Shkup janë hapur ndërrime shtesë në disa poliklinika të qytetit dhe në pikat për vaksinim do të punojnë plotësisht edhe të shtunën. Është e saktë se ka tollovi. Do t’u bëja thirrje prindërve për këto shkaqe në terminet e rregullta për vaksinim t’i vaksinojnë fëmijët e tyre, të mos përballemi sërish me ndonjë valë të këtillë në periudhën e mëtejme edhe për fruthin edhe për sëmundje të tjera për të cilat do të duhej të vaksinohen fëmijët në kalendarin e rregullt. Por, ja, mundësuam kushte që edhe në këtë periudhë, plotësisht punojnë pikat për imunizim me orar të vazhduar të punës”, tha Manoleva.

Konsideroj, theksoi ajo, se e tërë kjo do të mundësojë vaksinim më të madh.

Prindërit të cilët dyshojnë se ndonjëri prej fëmijëve të tyre ndoshta ka pertusis, duhet gjithsesi ta dërgojnë fëmijën tek mjeku amë, e më pas edhe tek specialisti nëse nevojitet dhe të respektohen rekomandimet, theksoi zëvendësministrja. 

Related posts

Maqedonia e Veriut bën pjesë në grupin e vendeve të cilat dobët luftojnë korrupsionin

Xh M

Ish-kryetari i komunës së Novo Sellës kapet nga policia si pjesë e një grupi kriminal

Xh M

LSDM: VMRO me Siljanovskën ofrojnë kthim në izolim, larg BE-së

Xh M

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy