Agjencia Zhurnal.mk.

LVV-ja kritikon kryetarin Rama: Qe dy muaj e ka lënë kryeqytetin pa udhëheqës

Dega e Lëvizjes Vetëvendosje në Prishtinë ka hedhur kritika mbi kryetarin e Prishtinës Përparim Ramën, duke thënë se tash e dy muaj e ka lënë Prishtinën pa udhëheqësi, përkundër problemeve me COVID, grip dhe mot.

 

“Kishin mjaftuar dy orë nga mbyllja e votimeve për pranimin e rezultatit zgjedhor nga Lëvizja Vetëvendosje dhe kandidati për kryetar, z. Arben Vitia, por nuk mjaftuan as dy muaj të plotë që kryetari i zgjedhur ta zgjedhë ekipin e tij, konkretisht t’i emërojë drejtorët dhe ta kompletojë ekzekutivin e kryeqytetit”, thuhet në reagimin e Lëvizjes Vetëvendosje – Qendra Prishtinë, në Facebook.

“Sot, kur po bëhen dy muaj nga dita e zgjedhjeve, jemi dëshmitarë të një fillimi dëshpërues dhe aspak shpresëdhënës nga z. Përparim Rama, i cili gjatë gjithë fushatës me pompozitet deklaronte se ‘e ka ekipin e gatshëm dhe ‘do të fillojë punën menjëherë’. Siç po shihet z. Rama nuk paska qenë fare i sinqertë në deklaratat e tij”.

“Përkundër faktit se kanë arritur koalicion me një pjesë të partive me të cilat ishin bashkë edhe më 14 nëntor, LDK-ja dhe kryetari Rama i kanë lënë qytetin dhe qytetarët tash e dy muaj në mëshirën e fatit, pa udhëheqës e pa adresë të saktë për adresimin e problemeve dhe kërkesave”.

Grupi i Këshilltarëve Komunalë i kësaj partie ka kërkuar që sa më shpejt të kompletohet ekipi ekzekutiv i Komunës dhe të emërohen drejtorët përkatës.

“Rritja e numrit të pacientëve nëpër QMF-ja si pasojë e gripit sezonal dhe variantit të ri të COVID-it, reshjet e borës dhe rrugët me akull, problemet dhe pakënaqësitë e qytetarëve me ndërmarrjen “Prishtina Parking”, skadimi dhe mos vazhdimi i lejeve të punës për shitësit ambulant, rritja e rrezikut nga qentë endacakë si pasojë e temperaturave të ulëta dhe mungesës së ushqimit – janë vetëm disa nga problemet e shumta emergjente që janë grumbulluar e që presin veprimin e zotit Rama dhe drejtoreve të tij që akoma nuk janë askund”.

“Prandaj, Grupi i Këshilltarëve Komunalë të Lëvizjes Vetëvendosje vlerëson se është e nevojshme dhe e domosdoshme sa më parë të kompletohet ekzekutivi i Komunës, të emërohen drejtorët, të funksionalizohen komisionet e Kuvendit Komunal dhe të fillojë puna e përditshme komform autorizimeve dhe kompetencave ligjore. Vonesat e mëtutjeshme do ta vështirësojnë edhe më tepër veprimtarinë e përditshme dhe mirëqenien e qytetarëve të Prishtinës”.

Related posts

A po përçahet “Lista Guxo”, disa duan ndarjen nga VV-ja për zgjedhjet lokale

D V

Policia demanton Listën Serbe lidhur me rastin e rrahjes së një serbi në Runik

D V

Gjykata Kushtetuese vendos për rastin e pagesës së 11 milionë eurove për rrymën në veri

D V

This website uses cookies to improve your experience. We'll assume you're ok with this, but you can opt-out if you wish. Accept Read More