Agjencia Zhurnal.mk.

Lugina e Valbonës park ikonik, Rama ndan shkrimin e prestigjiozes “Forbes”

Parku Kombëtar i Valbonës në Tropojë, është renditur nga revista prestigjioze amerikane “Forbes” mes 5 bukurive mahnitëse natyrore të Ballkanit Perëndimor që duhen vizituar.

 


Kryeministri Edi Rama ndau sot shkrimin e prestigjiozes “Forbes”, i cili i kushtohet Alpeve shqiptare.
“Mirëmëngjes dhe me këtë shkrim nga prestigjiozia “Forbes”, që e rendit Valbonën mes 5 bukurive mahnitëse natyrore të Ballkanit Perëndimor që duhen vizituar, ju uroj një ditë mbarë”, tha Rama.
Shkrimi i “Forbes” promovon fshatrat idilike për t’u eksploruar në të gjithë Luginën e Valbonës, duke filluar nga Dragobia deri në Valbonë.


“…Ndërsa majat e larta të maleve të kujtojnë majat e thepisura në Zvicër apo Austri, ky vargmal është në fakt pjesë e Bjeshkëve të Nemuna, një formacion që quhet edhe Alpet Shqiptare. Nuk mungojnë fshatrat idilike për t’u eksploruar në të gjithë Luginën e Valbonës, duke filluar nga Dragobia deri në Valbonë. Ky park ikonik është shtëpia e shumë më tepër sesa thjesht e njerëzve. Biodiversiteti i pasur i gadishullit të Ballkanit Perëndimor shfaqet plotësisht këtu, me arinj të murrmë, dhi të egra dhe rrëqebuj, që të gjithë e quajnë këtë park shtëpinë e tyre”, shkruan “Forbes”.
“Forbes” rendit në listën e 5 bukurive mahnitëse për t’u vizituar në Balkanin Perëndimor edhe Parkun Kombëtar Una në Bosnjë, Parkun Kombëtar Tara në Beograd, Parkun Kombëtar Pirin në Bullgari dhe Parkun Kombëtar të Liqenit të Kerkinit në Greqi.

Lugina e Valbonës është shpallur Park Kombëtar në janar të 1996-ës. Ky park ka një sipërfaqe prej 8000 hektarësh. Konsiderohet si mrekullia e Alpeve shqiptare. Ndodhet 25-30 km në veriperëndim të qytetit Bajram Curri.

MIRËMËNGJES 😊dhe me këtë shkrim nga prestigjiozia Forbes, që e rendit Valbonën mes 5 bukurive mahnitëse natyrore të…

Posted by Edi Rama on Thursday, December 2, 2021

Related posts

“Ringrihemi më të fortë”/ Kryemadhi takim me strukturat në Durrës: Mandati i LSI na u mohua prej marrëveshjes së fshehtë mes qeverisë dhe shtojcës në Opozitën e Bashkuar

D V

Enkelejd Alibeaj: Skemë kriminale me mbetjet

Redaksia

Shqipëria merr Presidencën e SWG-së/ Krifca: Fermeri në qendër të politikave tona

D V

This website uses cookies to improve your experience. We'll assume you're ok with this, but you can opt-out if you wish. Accept Read More