Shumë klube janë riorganizuar dhe tashmë ka kohë që kanë filluar edhe stërvitjet, por kjo nuk po ndodh me Lirinë.
Kjo e fundit tash e sa kohë ka mbet pa trajner dhe për pasojë disa lojtarë po stërviten vet.
Gazeta Olle mëson nga burimet brenda klubit se shkaku i problemeve financiare tashmë disa prej
futbollistëve nuk po dalin në ushtrime gjersa tashmë portieri Armend Ruxhi dhe Roni Gashi janë larguar nga klubi.
Gjithashtu edhe lojtarët e huaj janë liruar me të përfunduar sezoni i kaluar.
Theksojmë se klubi po kërkon pronar privat, por që deri më tani asnjë investitor nuk ka bërë ndonjë ofertë zyrtare.
Ndryshe, sezona 2021/22 do të startojë më 28 gusht, ku në grupin A me klubin prizrenas bëjnë edhe klubet me renome Vëllaznimi, Trepça, Trepça ’89 dhe Besa. /Gazeta Olle/
