Agjencia Zhurnal.mk.

Ligji i pagave, kryeministri: Qeveritë e kaluara i kanë rritur pagat për premtime elektorale

Kryeministri i vendit, Albin Kurti sot në një konferencë për media ka folur për Projektligjin e pagave, për të cilën një ditë më parë u kritikua se nuk po e dërgon në Kuvend.

 

Kurti tha se nuk është e kollajshme të hartohet mirë dhe shpejt një projektligj i tillë dhe jemi duke u angazhuar për këtë gjë.

“Ne po përgatitemi që të kemi një Ligj për pagat, që me të vërtetë është ligj dhe që nuk bie ndesh me infrastrukturën legjislative, me Kushtetutën dhe aktgjykimin e Gjykatës Kushtetuese.

Përgjithësisht është besimi ynë se në një shtet e shoqëri, rritja e pagave kurrsesi nuk duhet të ndjek arbitraritetet politike të qeverive aktuale, por produktivitetin brenda rritjes ekonomike.

Në një shtet, shoqëri pagat rriten duke ndjekur rritjen e produktivitet brenda rritjes ekonomike.

Kjo ka qenë gabim në qeveritë e mëhershme sepse nuk është përfillur . Qeveritë e mëhershme i kanë rritur pagat me premtime elektorale që mandej i kanë përmbushur pjesërisht pse aspak.

Ekonomia nuk funksionon asisoj…  mund të funksionojnë dëshirat për pushtet por jo ekonomia…

Me neve në muajt dhe vitet në vijim rritja e pagave do ta ndjek rritjen e produktivitetit brenda rritjes ekonomike”, tha ai.

Ndryshe, një ditë më parë Aleanca për Ardhmërinë e Kosovës ka kërkuar nga kryeministri Kurti të deklarohet se pse nuk e dërgon në Kuvend, Projektligjin për paga. 

Related posts

Arrestohet 37 vjeçari në Fushë-Kosovë

N E

Udhëtimi politik i Kosovës brenda një viti pa katër figurat politike Thaçi, Veseli, Selimi e Krasniqi

D V

Zejnullahu: Testimi në shkollën “Sami Frashëri” po vijon pa probleme

R Zh

This website uses cookies to improve your experience. We'll assume you're ok with this, but you can opt-out if you wish. Accept Read More