Agjencia Zhurnal.mk.

Liderja e Hong Kongut nuk synon mandat të dytë

Liderja e Hong Kongut, Carrie Lam, ka njoftuar se nuk synon mandat të dytë në zyrë, pas një udhëheqësie të diskutueshme, e cila është përcjellë me gërryerje të shumë lirive civile.

 

Si shefe ekzekutive, Lam ka mbikëqyrur një fazë turbulente, pasi është vërejtur ndikim më i madh i Kinës në Hong Kong, pas protestave masive të vitit 2019.

Lam, 64-vjeçare, ka qenë zgjedhje e Pekinit për të fituar mandatin më 2017.

Të hënën ajo u ka thënë gazetarëve se ka prioritet familjen.

“Kam konsideruar vetëm një gjë, dhe ajo është familja. I kam thënë secilit se familja është prioritet im i parë. Ajo mendon se është koha që të kthehem në shtëpi”, ka thënë Lam.

Ish-sekretari i Hong Kongut, John Lee, pritet të zëvendësojë udhëheqësen aktuale.

Liderët e qytetit selektohen nga një komitet i vogël, dhe pothuajse të gjithë pjesëtarët janë besnikë të Pekinit.

Hong Kongu është pjesë e Kinës, mirëpo funksionon sipas organizimit “një shtet, dy sisteme”, çka nënkupton se ky qytet ka sistemin e vet ligjor.

Shumë persona në Hong Kong, ashtu sikurse edhe grupe për të drejta të njeriut në demokracitë perëndimore, kanë akuzuar Pekinin për shkatërrim të lirive dhe autonomisë së këtij qyteti në vitet e fundit.

Related posts

“Spejs Iks” lëshon 52 satelitë “StarLink” në orbitën e Tokës

Xh M

Vaksinimi masiv i shqiptarëve me vaksinën kineze Sinovac

Z.H

UNICEF-i paralajmëron numër rekord të lartë të fëmijëve refugjatë në mbarë botën

Z.H

This website uses cookies to improve your experience. We'll assume you're ok with this, but you can opt-out if you wish. Accept Read More