Agjencia Zhurnal.mk.

Lideri i juntës ushtarake në Mianmar paralajmëroi vazhdimin e gjendjes së jashtëzakonshme edhe për gjashtë muaj

Lideri i qeverisë së Mianmarit i emëruar nga ushtria, gjenerali Min Aung Hlaing sot paralajmëroi vazhdimin e mandatit të tij edhe për gjashtë muaj përderisa vendi po përgatitet për zgjedhje, për të cilat tha se do të mbahen vitin e ardhshëm.

 

Ushtria e mori pushtetin me 1 shkurt të vitit të kaluar nga qeveria civile e zgjedhur në mënyrë demokratike e Aung San Su Çi.

Arsye e grusht-shteti të ushtrisë është pretendimi i manipulimeve në zgjedhjet e përgjithshme të nëntorit 2020, ku partia Lidhja kombëtare për demokraci e Aung San Su Çi fitoi me shumicë votash, ndërsa partia e mbështetur nga ushtria kaloi keq.

Monitoruesit e pavarur të zgjedhjeve thanë se nuk gjetën prova për parregullsi të konsiderueshme, ndërsa marrja e pushtetit nga ana e ushtrisë shkaktoi protesta të gjera jo të dhunshme në mbarë vendin.

Forcat e sigurisë përdorën forcë për të shpartalluar protestat, gjë që shkaktoi rezistencë të armatosur nga forcat pro-demokratike.

Përshkallëzimi i dhunës e ka shtyrë Mianmarin në luftë civile.

Gjenerali dhe shefi i Këshillit administrativ shtetëror në pushtet, Min Aung Hlaing sot deklaroi se është vazhduar gjendja e jashtëzakonshme e cila u shpall pas marrjes së pushtetit në vend vitin e kaluar.

Hlaing deklaroi se është koha e nevojshme “që vendi të vazhdojë të punojë në kthimin e një sistemi demokratik paqësor dhe të disiplinuar shumëpartiak dhe mbajtjes së zgjedhjeve të përgjithshme demokratike shumëpartiake”.

Ushtria fillimisht paralajmëroi se zgjedhjet e reja do të mbahen një vit pas marrjes së pushtetit, por më vonë tha se ato megjithatë të mbahen në vitin 2023. 

Related posts

Gjermania në mungesë të punëtorëve në 148 profesione

Xh M

Sir Stuart Peach: Kemi shpallur non grata 27 zyrtarë të lartë në Britaninë e Madhe, mes tyre politikanë shqiptarë

Xh M

Pas acarimi të marrëdhënieve, Franca dhe Britania kërkojnë riforcim të miqësisë

N E

This website uses cookies to improve your experience. We'll assume you're ok with this, but you can opt-out if you wish. Accept Read More