Shkup, 17 Prill – Nga Lëvizja Besa kanë reaguar pasi Sindikata e Arsimit, Shkencës dhe Kulturës refuzoi sot propozimin e Qeverisë për rritje të pagave në arsim për 10 për qind.
“Mirë është që brenda këtij subjekti të harmonizohen qëndrimet, ministri i financave nga radhët e tyre deklarojë se nuk do të ketë rritje të pagave, ministri i arsimit po nga kjo parti duket se nuk ka ide për të menaxhuar me situatën ndërsa qëndrimi i BDI-së ishte se “mësimi do të fillojë”, në këtë rast kemi tre palë që mashtrojnë ndërsa janë nga e njejta parti, prandaj edhe vazhdimi i grevës nga ana e SASHK është vendim i duhur dhe ka mbështetjen e plotë të Lëvizjes BESA”, thuhet në reagimin e Lëvizjes Besa.
