Pirogov, 1 dhjetor – Pacienti i fundit i cili ishte lënduar në aksidentin e autobusit në autostradën “Struma” në Bullgari sot është lëshuar nga Klinika për Neurokirurgji në spitalin Pirogov në Sofje.
Ekipi mjekësor i Republikës së Maqedonisë së Veriut sot pasdite e transferon pacientin në Maqedoninë e Veriut.
Ky është i lënduari i shtatë në incidentin e 23 nëntorit në të cilin jetën e humbën 45 persona, shtetas të Maqedonisë së Veriut.
Në kumtesën e sotme nga spitali Pirogov thuhet se të gjithë shtetasit e huaj të cilët i kanë mbijetuar aksidentit në autostradën Struma janë transferuar dhe gjendja e tyre është duke u ndjekur në Republikën e Maqedonisë së Veriut dhe Republikën e Serbisë pas daljes së tyre nga Pirogov.
