Shkup, 12 janar – Lidhja Demokratike kërkon Kuvendi për afatin më të shpejtë të mundshëm të caktojë seancë plenare, në të cilën do të debatohej për Propozim-ligjin e tyre për ndryshimin dhe plotësimin e Kodit zgjedhor. Me ndryshimet, ata propozojnë Republika e Maqedonisë së Veriut të jetë një njësi zgjedhore.
“Më shumë deputetë më 5 mars 2021 në Kuvendin e Republikës së Maqedonisë së Veriut kemi dorëzuar Propozim – ligj për ndryshimin dhe plotësimin e Kodit zgjedhor. I njëjtë është vendosur në rend dite në seancën e caktuar për më 15 maj 2021, (pika 5), por nuk ka filluar debati. Duke e pasur parasysh rëndësinë për ligjin, insistojmë në afatin më të shpejtë të mundshëm të caktohet seancë plenare dhe të hapet debat për këtë Propozim – ligj. Ndryshe, me ndryshimet propozohet Republika e Maqedonisë së Veriut të jetë një njësi zgjedhore, me model zgjedhor proporcional dhe pa prag”, thonë nga Lidhja Demokratike.
