Agjencia Zhurnal.mk.

Lajm fantastik, propozohet liga e U21

Bëhet fjalë për Ligën U21, propozim i cili tashmë është zyrtarizuar nga këshilltari profesional i FFK-së, Ajet Shosholli, në koordinim me Bordin e Shoqatës së Trajnerëve dhe kryetarin e saj, Muharrem Sahiti.

Ky propozim tashmë i është paraqitur Komitetit Ekzekutiv të FFK-së, organ i cili do ta shqyrtojë së shpejti për t’i dhënë drejtim kësaj ideje.

Trajneri i mirënjohur Ajet Shosholli, për faqen zyrtare të FFK-së e ka sqaruar propozimin e tij, duke thënë se formimi i kësaj lige është i domosdoshëm, duke pasur parasysh vështirësitë me të cilat po ballafaqohen lojtarët e rinj, të cilët pas skadimit të mundësisë për të luajtur në ekipet U19, po gjenden në situatë të palakmueshme dhe shumë prej tyre edhe po heqin dorë nga vazhdimi i karrierës si futbollistë.

 

“Pas konsultimeve të vazhdueshme me presidentin Ademi, kemi ardhur në përfundim se formimi i Ligës për grupmoshën 21-vjeç është domosdoshmëri. Po e shohim se shumë futbollistë pas përfundimit të kohës si lojtarë të ekipeve U19, nuk po arrijnë të gjejnë vend në ekipet e para. Në të shumtën e rasteve vetëm nga dy apo tre lojtarë arrijnë t’i bashkohen ekipeve të para, derisa lojtarët e tjerë ndodhen në situatë të vështirë. Për këtë arsye, ne e shohim të domosdoshme krijimin e Ligës U21, e cila do t’ia mundësonte këtyre lojtarëve vazhdimësinë e punës dhe garave. Ky është një lloj modeli të cilin e praktikojnë edhe vendet e tjera evropiane, të cilat garojnë me ekipet B. Kjo ligë do t’i jepte mundësinë lojtarëve që të rrisin formën e tyre, teksa në të do të mund të përfshihen edhe dy-tre lojtarë nga ekipet e para, të cilët kanë mungesë të ndeshjeve apo për një kohë kanë qenë të lënduar. Pra, si ligë do të kishte shumë benifite edhe për vet klubet. Normalisht se pjesëmarrja në një ligë të tillë nuk do të jetë obliguese, por rekomandohet për ato klube që i kanë kushtet më të mira dhe që kanë numër të madh të lojtarëve, e të cilët e kanë të vështirë të gjejnë vend në ekipin e parë”, ka thënë strategu i futbollit kosovar, Ajet Shosholli.

Në futbollin tonë krahas garave të ekipeve të seniorëve organizohen gara në nivel kombëtar edhe në grupmoshat nën 17-vjeç dhe nën 19-vjeç në konkurrencën e meshkujve, si dhe garat nën 17-vjeç në konkurrencën e femrave, derisa në regjione organizohen garat në të gjitha grupmoshat më të ulëta.

Related posts

Banorët e Lubotenit përballen me mungesë të ujit të pijshëm

Xh M

Në vendkalimet kufitare “Bllatë” dhe “Xhepishtë” vitin e kaluar frekuentim rekord

Z.H

Dorëzohet materiali zgjedhor në komisionet komunale zgjedhore në Kumanovë, Likovë dhe Nagoriçan të Vjetër

D V

This website uses cookies to improve your experience. We'll assume you're ok with this, but you can opt-out if you wish. Accept Read More