Agjencia Zhurnal.mk.

Kusari – Lila i kundërpërgjigjet Deliut: Në rajonin e Drenicës ka më së shumti dhunime, nuk e votuat ligjin për personat e dhunuar

Shefja e Grupit Parlamentar të Lëvizjes Vetëvendosje, Mimoza Kusari – Lila i është kundërpërgjigjur deputetes së Partisë Demokratike të Kosovës, Blerta Deliu, e cila në Kuvend deklaroi se anëtarët e LVV-së në vazhdimësi kanë nxitur përdorim të dhunës.

 

Deliu në fjalimin e saj në Kuvend tha se është keqinterpretuar deklarata e saj për rastin “Kumanova”, duke fajësuar kështu anëtarët e LVV-së.

E pas deklaratës se Deliut, reagoi Kusari- Lila e cila tha se ka pritur një mohim nga deputetja, e jo të bëjë sërish sulme, transmeton Telegrafi.

“Nuk është hera e parë që zonja Deliu sulmon luftën, ajo vjen nga rajoni i Drenicës, përderisa këtu në Kuvend ka votuar kundër ligjit për personat e dhunuar. Numri më i madh i personave të dhunuar është në rajonin e Drenicës dhe Dukagjinit, ajo gjithashtu ka votuar për Gjykatën Speciale, përkundër faktit se sot këtu ngritët gishti dhe akuzohen të tjerët. Unë prita një mohim tjetër nga ajo, nuk e mohoi se motra e saj punon në prokurorim të Kuvendit, nuk e mohoi se vëllai punon në zyre të prokurorimit të RTK-së. Në emër të luftës keni abuzuar”, tha ajo.

Seanca e Kuvendit është duke vazhduar. 

Related posts

Qeveria gjen shkelje ligjore në disa hidrocentrale

D V

Mbi 300 raste aktive me Kovid-19 në Kosovë

N E

Pas aksidentit tragjik, ministri kroat Radman telefonon ministren Gërvalla

D V

This website uses cookies to improve your experience. We'll assume you're ok with this, but you can opt-out if you wish. Accept Read More