Agjencia Zhurnal.mk.

Kurti, ushtarakëve të FSK-së që ishin në Kuvajt: Dëshmuat përkushtimin e Kosovës për paqe e siguri edhe jashtë kufijve

Kryeministri i Kosovës, Albin Kurti, së bashku me zëvendësministrin e Mbrojtjes, Shemsi Syla, ka pritur i në takim pjesëtarët e FSK-së, të cilët nga muaji maj deri në muajin tetor 2021, ishin pjesë e misionit paqeruajtës në Kuvajt.

 

Kryeministri shprehu falënderime dhe mirënjohje për krenarinë që i kanë sjellë vendit pjesëtarët e FSK-së, dhe shtoi se ata e dëshmuan në praktikë përkushtimin e Republikës së Kosovës për paqe dhe siguri edhe jashtë kufijve.

“Misioni i bashkë-zbarkimit në Kuvajt, misioni i juaj i parë, është misioni i parë edhe për Kosovën. Prandaj, ju do të mbaheni në kujtesën tonë si grupi i parë që tregoi vullnetin e lartë dhe të fuqishëm të ushtarakëve të Kosovës të japin më shumë për paqe dhe liri sepse, ne si popull e dimë çmimin e lartë të lirisë”, u tha kryeministri Kurti, ushtarakëve të Forcës së Sigurisë së Kosovës, të cilët e përfunduan Misionin në Kuvajt.

“Kosova po e merr një rol më të madh në siguri dhe mbrojtje që është nder, por edhe përgjegjësi e madhe. Tani është koha që ju profesionalisht t’i ndani të gjitha mësimet e mësuara në këtë mision në Forcën e Sigurisë së Kosovës, si dhe të kaloni momente relaksuese me familjet dhe miqtë tuaj”, tha kryeministri Kurti.

Ai i ftoi ushtarakët që të jenë gjithnjë këmbëngulës në profesionalizmin dhe shërbimin fisnik për paqe dhe liri.

Pjesëtarët e Misionit në Kuvajt, major Mentor Ibrahimi, kapiten Kreshnik Haxhiu, toger Dhurim Shemsedini, tetar Hyjnor Lajqi dhe ushtari i klasit të parë Mehmet Mehmeti, e falënderuan kryeministrin Kurti për përkrahjen e vazhdueshme gjatë misionit.

Ata thanë se ishin të nderuar t’i shërbejnë atdheut dhe t’i kontribuojnën paqes krahas forcave ushtarake të SHBA-së.

Related posts

Osmani diskuton me përfaqësuesit e OKB-së për strehimin e afganëve

D V

AAK zyrtarizon kandidatin për kryetar të Dragashit

D V

Të premten përfundon votimi përmes postës, deri tash KQZ-ja ka pranuar mbi 3 mijë pako të supozuara me fletëvotime

D V

This website uses cookies to improve your experience. We'll assume you're ok with this, but you can opt-out if you wish. Accept Read More