Firma amerikane e arkitekturës Perkins & Will ka konkurruar kundër Ennead Architects Associates, për të shndërruar një nga fabrikat më të mëdha të çelikut në botë në shtëpi të re për Akademinë e Arteve të Bukura të Shangait.
E vendosur në rrethin Baoshan, fabrika e çelikut gjendet në Shanghai. Projekti për Akademinë e re të Arteve të Bukura të Universitetit Shanghai synon jo vetëm të krijojë një Akademi udhëheqëse në botë të arteve të bukura që përfaqëson themelin e saj në Baoshan, por gjithashtu të shfrytëzojë dhe përmirësojë arkitekturën industriale që ka ardhur për të përcaktuar këtë rreth të rëndësishëm të qytetit.
Struktura për projektin është fabrika mbresëlënëse e çelikut që më parë strehonte në vete punëtori, me përmasa 860 metra në gjatësi dhe gjerësi 50-120 metra, seria e strukturave mbulon një sipërfaqe prej 76,500 metra katrorë, duke krijuar një katedrale të brendshme që jo vetëm është frymëzuese, por edhe një kujtesë e fortë e arritjeve madhështore të industrisë së çelikut në Kinë.
Për këtë qëllim, Akademia e re do të jetë një bashkim mbresëlënës i hapësirës së re të klasit botëror për arsimin dhe angazhimin publik në arsim.
Strategjia kryesore për këtë propozim është të mbajë sa më shumë strukturë ekzistuese të jetë e mundur, duke hequr gjashtë zona të strukturës brenda për të lejuar krijimin e gjashtë strukturave për ndërtime të reja.
Katër elementët që do të ndërtohen, përfshijnë vetë Akademinë e Arteve, Qendrën Ndërkombëtare të Komunikimit, Qendrën e Informacionit Grafik dhe elementin përfundimtar të mbështetjes së biznesit tregtar.
Vetë Akademia e Arteve strehon katër fakultete unike dhe të pavarura, Fakulteti i Artit, Fakulteti i Dizajnit, Fakulteti i Arkitekturës dhe Fakulteti i Shkencave Humane.
Një seri funksionesh të tjera kryesore si sporti, ekspozita, muzeu, biblioteka.
Fasada e Akademisë së re të Arteve të Bukura është një shenjë e rëndësishme për të ardhmen e projektit. Ajo duhet të përfaqësojë jetën e re dhe të kontrollojë e të merret me elementet dhe cilësinë e dritës, por më e rëndësishmja pasqyron trashëgiminë kulturore, kujtesën historike dhe rëndësinë e fabrikës origjinale të çelikut.
