Agjencia Zhurnal.mk.

Kryediplomati kinez thirrje për thellimin e bashkëpunimit “Një brez, një rrugë”

Ministri i Jashtëm i Kinës Wang Yi bëri thirrje të martën për thellimin e bashkëpunimit në kuadrin e nismës “Një brez, një rrugë” në ndihmë të rimëkëmbjes sa më parë të ekonomisë botërore.

 

Wang e tha këtë gjatë ceremonisë së hapjes së Ekspozitës së Pestë Ndërkombëtare të Rrugës së Mëndafshit dhe Forumit të Investimeve dhe Tregtisë së Bashkëpunimit të Kinës Lindje-Perëndim përmes lidhjes me video në Xi’an, kryeqendra e provincës Shaanxi të Kinës veriperëndimore.

Duke vënë në dukje se nisma është në rrugën e shpejtë të zhvillimit me cilësi të lartë, Wang tha se Kina ka nënshkruar dokumente bashkëpunimi me 140 vende dhe 31 organizata ndërkombëtare dhe ka zbatuar një numër të madh të projekteve të bashkëpunimit.

Përballë COVID-19, Kina dhe partnerët e saj të nismës, duke përfshirë vendet e Azisë Qendrore, kanë qëndruar të bashkuara në kohë të vështirë, tha Wang, duke shtuar se ndërtimi i nismës ka bërë një seri përparimesh të reja dhe të fituara me vështirësi, pavarësisht nga sfidat.

Kryediplomati kinez shtoi se bashkëpunimi në kuadër të nismës “Një brez, një rrugë” po bëhet një model për shëndetin, rimëkëmbjen dhe rritjen që mbron sigurinë dhe mirëqenien e njerëzve, rikthen veprimtaritë ekonomike dhe shoqërore dhe zhbllokon potencialet e zhvillimit.

Ai shprehu domosdoshmërinë që partnerët e nismës të punojnë vazhdimisht së bashku për të thelluar bashkëpunimin me qëllim nxitjen e një rimëkëmbjeje sa më të shpejtë dhe rritjen e ekonomisë botërore.

Ai bëri thirrje për trajtimin e drejtpërdrejtë të COVID-19 dhe thellimin e bashkëpunimit të shëndetit publik.

“Partnerët e nismës ‘Një brez, një rrugë’ duhet të forcojnë solidaritetin, të ndajnë informacionin dhe të kryejnë parandalimin dhe kontrollin e përbashkët, të forcojnë bashkëpunimin ndërkombëtar në fushën e kërkimit, zhvillimit, prodhimit dhe shpërndarjes së vaksinave, duke kontribuuar në disponueshmërinë dhe përballueshmërinë e vaksinave në vendet në zhvillim.”

Related posts

Kinë: AKP-ja miraton shtojcat e ndryshuara të Ligjit Themelor të HKSAR-it për të përmirësuar sistemin zgjedhor

Z H

Shtatë të vdekur nga rrëzimi i avionit bjellorus

D V

Rusia shënjestron ueb-faqet e mediave perëndimore

D V

This website uses cookies to improve your experience. We'll assume you're ok with this, but you can opt-out if you wish. Accept Read More