Agjencia Zhurnal.mk.

Kriza në kufirin Bjellorusi-Poloni, reagon NATO

Organizata e Traktatit të Atlantikut të Veriut (NATO) tha të premten se po monitoronte për çdo përshkallëzim të mundshëm të situatës në kufijtë e anëtarëve të saj me Bjellorusinë, pasi parashutistët bjellorusë dhe rusë zhvilluan stërvitje të përbashkëta pranë Polonisë.

 

“Ne do të mbetemi vigjilentë ndaj rrezikut të përshkallëzimit dhe provokimit të mëtejshëm nga Bjellorusia në kufijtë e saj me Poloninë, Lituaninë dhe Letoninë dhe do të vazhdojmë të monitorojmë implikimet për sigurinë e Aleancës. Aleatët e NATO-s i bëjnë thirrje Bjellorusisë të ndërpresë këto veprime, për të respektuar të drejtat e njeriut dhe liritë themelore dhe për t’iu përmbajtur ligjit ndërkombëtar”, tha në një deklaratë Këshilli i Atlantikut të Veriut, organi kryesor vendimmarrës politik i NATO-s.

Sekretari i Përgjithshëm i NATO-s, Jens Stoltenberg tha se aleanca ushtarake dënoi Bjellorusinë për veprimet e saj që synojnë vendet anëtare Poloninë, Lituaninë dhe Letoninë dhe i bëri thirrje asaj që të respektojë të drejtat e njeriut, raporton CNN, përcjell Telegrafi.

Ministria e Mbrojtjes e Bjellorusisë tha se stërvitjet ishin “në lidhje me ndërtimin e aktivitetit ushtarak pranë kufirit shtetëror të Republikës së Bjellorusisë”. 

Related posts

Biden prezanton planin e rishikuar për shpenzime

D V

Hyn në funksionim sistemi i informacionit për lëshimin e karbonit industrial

Redaksia

Avionët luftarakë gjermanë dhe izraelitë fluturojnë së bashku mbi Jerusalem

D V

This website uses cookies to improve your experience. We'll assume you're ok with this, but you can opt-out if you wish. Accept Read More