Agjencia Zhurnal.mk.

Kriza e ngrohjes, peletat mund të mungojnë për 45 mijë familje

Shkup, 12 Nëntor – Mbi 45 mijë familje në Maqedoninë e Veriut rrezikojnë të mbesin pa ngrohje pas vendimit të Qeverisë për kufizimin e çmimit për një qese me peleta në 6.5 euro.

 

Kompanitë që importojnë produktin refuzojnë ta shesin mallin e tyre me këtë çmim.

“Aktualisht, çmimi I blerjes nga Turqia varion nga 27,5 deri në 31 denarë për kilogram, ndërsa Qeveria thotë se duhet ta shesim për 27 denarë. Ne nuk mund të shesim me këto çmime. Jemi në një situatë absurde në të cilën nuk mund të funksionojmë. Rezultati përfundimtar, për fat të keq, do të jetë që shumë shpejt të mos ketë peleta në treg”, u shpreh Vladimir Stojanovski, kryetar i shoqatës Biomak.

Meqë Maqedonia e Veriut është e varur nga importi i këtij produkti, kompanitë e sektori propozojnë heqjen e çmimit të kufizuar dhe rikthimin e masës për kufizimin e marzhit tregtar prej 10 përqind.

Ministri i Ekonomisë, Kreshnik Bekteshi vlerëson se kufizimi i çmimi është i arsyeshëm pasi të dhënat e tyre tregojnë se kompanitë në tetor kanë importuar peleta për 24 denarë për kilogram.

“Ministria e Ekonomisë e ka marrë këtë vendim pasi ka marrë analizën e përgatitur nga Ministria e Bujqësisë dhe Pyjeve të Maqedonisë dhe ka vepruar sipas propozimeve të tyre. Sipas këtyre analizave, çmimi për importim të një ton peletash në tetor ka qenë 22 430 denarë”, theksoi ai.

Për të stimuluar sa më shumë këtë formë të ngrojes, Qeveria ka subvencionuar disa herë blerjen e sobave me peletë deri në 500 euro për familje.

Një familje maqedonase që ngrohet me sobë harxhon mesatarisht 240 deri në 480 euro në muaj për peleta. Për tre muajt e dimrit, kostot pritet të arrijnë nga 720 euro deri në 1440 euro.

Related posts

“A ekziston drejtësia në Maqedoni”: Sonte mund të lirohet edhe Orce Kamçev? (Video)

I Z

Osmani do të referojë për dialogun me Bullgarinë

Z.H

Spasovski në promovimin e studimit hulumtues për ballafaqim me zjarre

Z.H

This website uses cookies to improve your experience. We'll assume you're ok with this, but you can opt-out if you wish. Accept Read More