Shkup, 26 nëntor – Në lidhje me realizimin e tanishëm të Buxhetit, në pjesën e të hyrave të TVSH-së, deri më sot kemi hedhur 26,7 për qind të planit në krahasim me periudhën e njëjtë të vitit të kaluar. Kjo më jep të drejtë të tregoj se të hyrat në vitin 2021 do të realizohen në nivelin prej 100 për qind, tha zëvendësministri për Financa Dimitar Kovaçevski në Komisionin parlamentar për financa dhe buxhet.
Siç theksoi Kovaçevski duke treguar projeksionet buxhetore, në vitin 2022 rritja ekonomike është e parashikuar prej 4,6 për qind në kushte të rritjes së investimeve, rritje solide të konsumit dhe qëndrueshmëri të kërkesës së jashtme.
“Është parashikuar që niveli i rritjes së investimeve bruto të 8,5 për qind dhe ata do të jenë faktor i rëndësishëm i rritjes në vitin 2022. Investimet planifikohen të nxiten edhe përmes mbështetjes shtetërore për përparimi e sektorit privat, si dhe përforcimin e konkurrencës dhe kreativitetin përmes vendosjes së instrumenteve të reja për financim”, theksoi Kovaçevski.
Ai në diskutim tregoi edhe për të hyrat në buxhet, për rritjen e pagave dhe për rritjen e punësimit që, siç tha, ishin evidentuar edhe këtë vit.
Komisioni për ditën e pestë me radhë po zhvillon debat të përgjithshëm sipas Propozim-buxhetit për vitin 2022, ndërsa seanca filloj me një minutë heshtje për viktimat në tragjedinë në Bullgari. Në vijim është pauzë njëorëshe.
