Agjencia Zhurnal.mk.

Kovaçevski me kolegë do të marin pjesë në forumin e shtatë ekonomik Delfi në Greqi

Shkup, 30 mars – Kryetari i Qeverisë së Republikës së Maqedonisë së Veriut, Dimitar Kovaçevski, zëvendëskryeministri për Çështje Ekonomike dhe ministrat e Financave, Ekonomisë, Mbrojtjes dhe Punëve të Jashtme, do të marrin pjesë në Forumin e shtatë ekonomik Delfi në Greqi që do të mbahet prej 6 deri më 9 prill, lajmëroi korrespondentja e MIA-s nga Athina.

Në konferencën për shtyp në Athinë, kryetari dhe nënkryetari i Forumit e prezantuan programin, theksuan se qëllimi është të mbulohen të gjitha temat, ndërsa këtë vit, për shkak të luftës, një pjesë e madhe do t’i kushtohet Ukrainës, por edhe sfidave gjeopolitike.

Forumi ekonomik Delfi është nën patronatin e presidentes së Greqisë, Katerina Sakelaropulu, e cila do të flasë në hapjen solemne më 6 prill, ndërsa ditën e fundit, në mbyllje do të flasë kryeministri grek, Kiriakos Micotakis.

Në Forumin e shtatë ekonomik Delfi të titulluar “New Realities” janë konfirmuar 760 folës nga 36 vende, ndërsa do të përfshihen një sërë temash, siç janë siguria botërore, ekonomia globale, ndryshimet klimatike, e ardhmja e BE-së, teknologjia, shëndetësia, shoqëria, kultura, etj.

Sipas listës zyrtare të pjesëmarrësve, nga Maqedonia e Veriut do të marrin pjesë kryeministri Dimitar Kovaçevski, zëvendëskryetari i Qeverisë i angazhuar për çështje ekonomike, Fatmir Bytyqi, ministri i Punëve të jashtme, Bujar osmani, ministrja e Mbrojtjes, Sllavjanka Petrovska, ministri i Financave, Fatmir Besimi dhe ministri i Ekonomisë, Kreshnik Bekteshi.

Duke pasur parasysh atë se të pranishëm do të jenë kryeministrat e Maqedonisë së Veriut, Bullgarisë, BeH-së, Kosovës dhe Malit të zi, edhe këtë vit është paraparë pjesë e posaçme kushtuar Ballkanit Perëndimor, diçka që e konfirmoi edhe themeluesi dhe kryetari i Forumit, Simeon Comokos, duke u përgjigjur në pyetje të korrespondentes së MIA-s nga Athina.

Është konfirmuar pjesëmarrja edhe e komisarëve dhe përfaqësuesve nga Bashkimi Evropian, ndërsa përveç një sërë panel diskutimesh, janë planifikuar edhe ngjarje të mbyllura, ndërsa një e tillë do t’i kushtohet Turqisë

Related posts

Promovim i autolexuesit për persona të verbër “Kiko”

Z.H

Në shtator rritje prej 15,4 për qind të qarkullimit në industri në nivel vjetor

Z.H

Qeveria do të vazhdojë të subvencionojë ngrohjen në Shkup deri në fund të krizës

Z.H

This website uses cookies to improve your experience. We'll assume you're ok with this, but you can opt-out if you wish. Accept Read More