Agjencia Zhurnal.mk.

Kovaçevski dorëzoi në Kuvend programin qeverisës

Shkup, 11 janar – Mandatari për përbërjen e qeverisë së re të Republikës së Maqedonisë së Veriut dhe lider i LSDM-së, Dimitar Kovaçevski, sot në mesditë kryetarit të Kuvendit, Talat Xhaferi, zyrtarisht ia dorëzoi Propozim-përbërjen dhe Propozim programin për punë të qeverisë së re.

 

“Përbërja e qeverisë i ka emrat të cilat dje i kumtuam nga LSDM-ja, BDI-ja, LDP-ja dhe nga Alternativa. Resorët janë në përputhje me përgjegjësitë e marra në Qeveri dhe në përputhje me Programin e Qeverisë. Programi është vazhdimësi e legjitimitetit zgjedhor të fituar në zgjedhjet e 2020 duke inkorporuar angazhimet ekonomike të partnerit të ri të koalicionit Alternativa, si dhe synimet e reja programore që dolën nga sfidat e reja me të cilat përballet kjo qeveri”, tha Kovaçevski pasi në Kuvend i dorëzoi Propozim-përbërjen dhe Propozim-programin për punën e qeverisë së re.

Sipas tij, prioritet kyç dhe i parë i Qeverisë do të jetë ballafaqimi me krizën energjetike në vend e cila është krizë energjetike evropiane dhe që ndihet edhe në RMV, përcjellë Zhurnal.

“Prioritet i dytë është ruajtja e standardit të jetesës së qytetarëve dhe kompanive në kushtet e krizës ekonomike që vjen nga kriza energjetike dhe i treti është përmbushja e objektivave për sa i përket projekteve madhore infrastrukturore të miratuara në Buxhetin e vitit 2022, si dhe zgjidhjet ligjore, të cilat i miratoi Kuvendi i RMV-së në dhjetor”, tha kryetari i LSDM-së dhe mandatar Kovaçevski.

Kryetari i Kuvendit, Talat Xhaferi, në deklaratën përfundimtare vjetore në fund të dhjetorit, ka bërë të ditur se nëse propozimi për qeverinë e re arrin deri më 11 janar, në konsultim me grupet parlamentare, do të caktojë datën e seancës. që ndoshta do të jetë 15-16 janar. Ai shtoi se pret që Qeveria e re të zgjidhet në orën 16:00, para mesnate dhe të funksionojë më 17 janar të vitit 2022.

Në pajtim me Ligjin për Qeverinë, Qeveria e zgjedh dhe e shkarkon Kuvendin e Republikës së Maqedonisë me shumicë votash nga numri i përgjithshëm i deputetëve. Me rastin e propozimit të përbërjes së Qeverisë, kryeministri i emëruar propozon ministra për secilën nga ministritë e përcaktuara me ligj dhe ministra pa portofol. Qeveria merr detyrën në ditën e zgjedhjeve.

Kovaçevski dorëzon deri tek Xhaferi listën e ministrave dhe programin për Qeverinë e re

Kovaçevski dorëzon deri tek Xhaferi listën e ministrave dhe programin për Qeverinë e reКовачевски до Џафери го доставува списокот со министри и програмата на новата Влада

Posted by TV21 on Tuesday, January 11, 2022

Related posts

Përfundohet procesi për integrimin e plotë ushtarak të Maqedonisë së Veriut në NATO

Z H

Rekomandime për masa simuluese për imunizim, gjithsej 6.658 raste aktive me Kovid-19

D V

Në vendkalimet kufitare nuk ka pritje më të gjata

Z H

This website uses cookies to improve your experience. We'll assume you're ok with this, but you can opt-out if you wish. Accept Read More