Agjencia Zhurnal.mk.

Kosova fiton bindshëm ndaj Qipros, mbetet në Grupin C të Ligës së Kombeve

Kombëtarja e Kosovës e ka mbyllur me fitoren edicionin 2022/23 në Ligën e Kombeve.

 

Pavarësisht se synimet ishin të mëdha, Kosova nuk regjistroi rezultate të kënaqshme dhe kështu nuk ia doli të promovohet për në Ligën B.

Të përzgjedhurit e Alain Giresse shënuan fitore bindëse ndaj Qipros, në ndeshjen e gjashtë dhe të fundit në Grupin 2 të Ligës C, raporton GE.

Ndeshja e zhvilluar sonte në stadiumin “Fadil Vokrri” përfundoi me rezultatin 5:1.

“Dardanët” e dominuan në tërësi ndeshjen, teksa pjesën e parë e mbyllen me dy gola epërsi, me golat e shënuar nga Florent Muslija (22’) dhe Donat Rrudhani (45+1’).

Kosova e filloi furishëm edhe pjesën e dytë, duke shënuar vetëm pas dy minutave lojë (47’), me Elbasan Rashanin autor. Pas tij ishte radha për të shënuar edhe Vedat Muriqi (52’), i cili shënoi vetëm pas pesë minutash.

Valentin Roberge (81’) e shënoi golin e nderit për mysafirët, teksa Muriqi me golin e tij të dytë personal (84’) e vulosi fitoren.

Kombëtarja kosovare regjistroi edhe disa raste tjera deri në fundin e ndeshjes, por më nuk ia doli që të shënonte.

Kështu, Kosova e mbylli këtë edicion si e dyta në grup me 9 pikë – duke e siguruar kështu pjesëmarrjen në Ligën C edhe për edicionin e ardhshëm.

Related posts

Emir Sahiti: Jam i gëzuar që m’u dha rasti të luaj, duhet ta japim maksimumin kundër Greqisë

Lea Muslija

Reece James shumë afër rinovimit të kontratës

lina

Serbia synonte titullin e botës, përfundoi në kontejnerë

Xh M

This website uses cookies to improve your experience. We'll assume you're ok with this, but you can opt-out if you wish. Accept Read More