Shkup, 13 dhjetor – Në kuadër të projektit “Dialog me organizatat e shoqërisë civile – Platforma për pjesëmarrje strukturore në integrimin në BE”, sot u mbajt konsultimi rajonal onllajn “Shoqëria civile dhe dialogu i politikave publike për agjendën e reformave në BE”, në të cilin do të debatohet për atë se cila vendosje e dialogut politik në Ballkanin Perëndimor mund të përshpejtojë reformat e anëtarësimit në BE.
Shtefan Hudolin, shef për bashkëpunim në Delegacionin e Bashkimit Evropian në Maqedoninë e Veriut, beson se mbetet shumë për t’u bërë për të siguruar përfshirjen e duhur të organizatave joqeveritare në krijimin e programeve dhe politikave të rëndësishme për procesin e zgjerimit. Ndër të tjera, ai theksoi rëndësinë e Forumit vjetor të Shoqërisë Civile të Ballkanit Perëndimor me pjesëmarrjen e përfaqësuesve të shoqërisë civile të BE-së si dhe të organizatave ndërkombëtare dhe qeverive të rajonit se si të forcohet procesi i anëtarësimit në BE për çështje të caktuara. Ai përkujtoi se këtë vit forumi konfirmoi se e ardhmja e të gjashtë vendeve të Ballkanit Perëndimor është në BE dhe prandaj procesi i zgjerimit duhet të vazhdojë përpara duke dyfishuar përpjekjet e përbashkëta të vendeve të rajonit, politikanëve dhe shoqërive.
“Pakoja e zgjerimit e paraqitur nga KE në tetor dhe Plani i Investimeve Ekonomike bënë të qartë parimin bazë që është në zemrën e politikës së zgjerimit të BE-së. Përgatitja e vendeve kandidate dhe kandidate potenciale për të përmbushur kriteret e anëtarësimit kërkon një fokus të fortë në reformat në fushat e sundimit të ligjit, luftës kundër korrupsionit dhe krimit të organizuar. Ekonomia dhe institucionet dhe administrata funksionale demokratike janë thelbësore. Ky plan është një pjesë integrale e mbështetjes për Ballkanin Perëndimor në rrugën e tij drejt BE-së. Inkurajimi i investimeve dhe rritjes ekonomike do të jetë i mundur vetëm nëse BP mbetet i përkushtuar në zbatimin e reformave themelore në përputhje me vlerat evropiane. Partnerët socialë dhe shoqëria civile e organizuar duhet të përfshihen ndjeshëm në politikëbërjen, zbatimin dhe monitorimin e procesit, duke përfshirë ata në zbatimin e Planit të Investimeve Ekonomike dhe kalimin në një shoqëri të gjelbër dhe të qëndrueshme”, tha Hudolin.
Prandaj, sipas tij, përfshirja sistematike e shoqërisë civile në planifikimin, programimin, zbatimin dhe monitorimin e reformave në lidhje me procesin e anëtarësimit duhet të jetë një parim që vlen jo vetëm për qeveritë e BP-së, por është gjithashtu jetik për monitorimin e progresit të procesit të përgjithshëm të negociatave.
“Përkushtimi i shoqërisë civile është kyç për arritjen e progresit të pritur në shumë fusha kritike – bashkëpunimi politik, rimëkëmbja ekonomike dhe reforma demokratike. Kjo duhet dhe do të gjenerojë përfitime konkrete për të gjithë qytetarët e vendeve të BP-SË dhe integrimin e tyre në BE,” tha Hudolin.
Fani Karanfilova Panovska, drejtoreshë ekzekutive e Fondacionit Shoqëria e Hapur – Maqedoni, theksoi se është zhgënjim i madh që procesi i zgjerimit është përsëri i bllokuar, gjë që, siç thotë ajo, minon besimin në politikën e zgjerimit dhe fuqinë e saj transformuese. Kjo pasqyron stabilitetin dhe sigurinë e rajonit përballë disa krizave ekzistuese dhe ngre skepticizëm dhe narrativa radikale, duke çuar në një rritje të tendencave nacionaliste dhe joliberale.
“Në këtë kontekst, shoqëria civile i bën thirrje BE-së që të veprojë si një partner i besueshëm dhe të përmbushë premtimet e saj për fillimin e negociatave me Maqedoninë e Veriut dhe Shqipërinë dhe heqjen e pengesave që i dalin në rrugën e saj sa më shpejt të jetë e mundur”, tha Karanfilova Panovska.
