Agjencia Zhurnal.mk.

Kina konfirmon infektimin e një njeriu me gripin e shpendëve

Qeveria e Kinës tha se një person ka kontraktuar gripin e shpendëve, variantin H10N3, porse rreziku i përhapjes në shkallë të gjerë është i ulët.

 

Ky besohet të jetë rasti i parë i infektimit të një njeriu me H10N3.

Pacienti, 41 vjeç, nga qyteti Zhenjiang, është shtruar në spital më 28 prill dhe është në gjendje stabile, njoftoi të martën Komisioni Kombëtar i Shëndetit.

“Ky infektim është një transmetim aksidental midis specieve”, tha ky komision.

Sipas tij, “rreziku i transmetimit në shkallë të gjerë është jashtëzakonisht i ulët”.

Sipas Organizatës së Ushqimit dhe Bujqësisë të Kombeve të Bashkuara, gripi i shpendëve H7N9 ka infektuar 1,668 njerëz qysh në vitin 2013.

Prej tyre, 616 kanë vdekur.

Epidemia e fundit njerëzore nga gripi i shpendëve H7N9 ka ndodhur në Kinë nga fundi i vitit 2016 deri më 2017.

Related posts

Asteroidi kaloi pranë Tokës – planetit tonë sërish do t’i afrohet në vitin 2105

D V

Johnson lufton për të mbajtur pushtetin

Xh M

Dritan Abazoviq propozohet për kryeministër të ri të Malit të Zi

D V

This website uses cookies to improve your experience. We'll assume you're ok with this, but you can opt-out if you wish. Accept Read More