Shkup, 21 dhjetor – Ministria e Drejtësisë informoi se këtë vit nuk do të parashtrojë propozim për falje grupore me rastin e vitit të ri të personave të dënuar, respektivisht se lista tërësisht po shfyqizohet. Siç informuan në kumtesë deri te mediumet, këtë vendim e kanë marrë në konsultim me Drejtorinë për kryerje të sanksioneve.
“Kjo bëhet me qëllim që të jepet kohë në fillim të saktësohen kriteret dhe në mënyrë ligjore të përforcohen filtrat lidhur me atë se si përbëhen listat me propozime të personave, të cilët duhet të falen”, thuhet në kumtesën e Ministrisë së Drejtësisë.
Shtohet edhe se në Ministri ekziston grup punues, i cili punon në përbërjen e propozim-ligjit të ri për falje, me të cilin, siç thuhet, “do të përforcohen kriteret dhe do të definohen kushte të reja më të ashpra, për të cilin ai mund të falet”.
“Me këtë vlerësohet se do të minimalizohen mundësitë që në këto lista në të ardhmen të gjenden persona, të cilët në opinion shkaktojnë dyshim për funksionimin normal të sistemit juridik”, qëndron në kumtesën e Ministrisë të Drejtësisë.
