Agjencia Zhurnal.mk.

“Kërcënim urgjent për Europën”/ Britania “ndez” alarmin: Putin mund të sulmojë përtej Ukrainës

Sekretari i mbrojtjes së Mbretërisë së Bashkuar, Ben Wallace, ka deklarua sot se ekziston një “rrezik shumë real” që Vladimir Putin të “shpërthejë” përtej kufijve të Ukrainës.

Duke folur në një konferencë shtypi, Ben Wallace e përshkroi Rusinë si “kërcënimin më të drejtpërdrejtë dhe urgjent për Evropën”.

Wallace kritikoi gjithashtu vitet e zbrazjes së forcave të armatosura të Mbretërisë së Bashkuar nga qeveritë e njëpasnjëshme konservatore dhe laburiste, duke kërkuar të kursejë para duke shkurtuar numrin e trupave dhe aftësitë e tjera ushtarake – duke arkëtuar atë që quhet “dividend i paqes” i shkaktuar nga kolapsi i Bashkimi Sovjetik.

Megjithatë, sekretari i mbrojtjes duartrokiti vendimin e kryeministrit Boris Johnson në vitin 2020 për të rritur buxhetin e mbrojtjes në Mbretërinë e Bashkuar me rreth 24 miliardë paund gjatë këtij parlamenti.

Ekziston një pritshmëri që buxheti i mbrojtjes të rritet edhe më tej duke pasur parasysh kërcënimin në rritje.

Wallace nuk përmendi ndonjë rritje specifike të re, por tha se Britania duhet të vazhdojë të rrisë investimet në mbrojtje për të trajtuar kërcënimet jo vetëm nga Rusia, por nga Kina dhe vende të tjera.

Related posts

Autoriteti Palestinez e formon kabinetin e ri

Xh M

Lula: Negociatat aktuale të marrëveshjes BE-Mercosur duken më premtuese se më parë

Xh M

Qeveria Mitsotakis i mbijeton mocionit të mosbesimit në parlament, 158 deputetë votuan kundër

Xh M

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy