Belind Këlliçi do të jetë kandidati demokrat që do të garojë përballë Erion Veliajt për bashkinë e Tiranës.
Nga primaret për bashkinë e Tiranës që u mbajtën të dielën, Belind Këlliçi dhe Ilir Alimehmeti dolën në balotazh.
Por këtë mbrëmje, Alimehmeti njoftoi tërheqjen nga balotazhi.
“Do të adaptojmë model amerikan të garës, modelin presidencial. Kam kënaqësinë time më të madhe të prezantoj krahun tim të djathtë në këtë fushate deri në 14 maj, dhe pas 14 majit nënkryetarin e bashkisë së Tiranës”, u shpreh Belind Këlliçi për mediet.
Në primaret që u mbajtën të dielën, Këlliçi mori 4040 vota nga anëtarët dhe simpatizantët demokratë, ndërsa Alimehmeti 2196 vota.
