Shkup, 15 nëntor – Deputeti Kastriot Rexhepi, për sot në ora 11:30 ka paralajmëruar press konferencë ku do të sqarojë se ku ka qenë nga e enjtja, ditën kur në Kuvend duheshte të votohet rrëzimi i Qeverisë.
Rexhepi të enjten publikoi dhe një video ku sqaroi se është shëndosh e mirë, pasi partia e tij Lëvizja Besa dhe partitë tjera të opozitës pohonin se ai është kidnapuar, informon Zhurnal.
Pasi dështoi rrëzimi i Qeverisë, BESA e përjashtoi Kastriot Rexhepin nga partia.
Rexhepi thoshte se ka qenë cak i kërcënimeve dhe pret që të kalojë e gjithë situata dhe të del me detaje për “zhdukjen” e tij.
Veprimi i tij, sipas tij, ka qenë se shtetit nuk i nevojitet krizë e re politike dhe nuk duhet devijuar nga rruga euroatlantike.//Zhurnal.mk