Agjencia Zhurnal.mk.

Kapiteni Simon Kjaer: Incidenti i Eriksenit i bëri diçka ekipit

Kapiteni i Danimarkës, Simon Kjaer, ka thënë se arresti kardiak që i ndodhi Christian Eriksenit në ndeshjen e tyre hapëse në Euro 2020 ka bërë që ekipi të bashkohet dhe i ka frymëzuar ata ta arrijnë gjysmëfinalen.

 

Danezët pësuan disfatë 1:0 kundër Finlandës në atë ndeshje, e cila u ndërpre për kohë të gjatë, dhe pësoi humbje 2:1 ndaj Belgjikës në ndeshjen pasuese.

Megjithatë, Danimarka e mundi Rusinë për ta siguruar një vendin në mesin e 16 më të mirëve, ku e shkatërroi 4:0 Uellsin.

Duke folur pas fitores 2:1 kundër Republikës së Çekisë në çerekfinale, Kjaer shpjegoi se danezët nuk janë të kënaqur thjesht me arritjen në gjysmëfinale.

I pyetur për ndikimin e incidentit të Eriksenit në skuadër, ai tha: “I bëri diçka grupit. Ne lulëzuam dhe jemi të sigurt së bashku. Ne e dimë se mund t’i besojmë njerëzve përreth nesh. Ne e dimë se, nëse ndonjëri prej nesh është në telashe, atëherë e kemi dike tjetër që na del në ndihmë”.

“Na jep neve siguri dhe natyrisht e bën Eriksenin të ndihet mirë. Ne mund të bëjmë presion sepse e dimë se lojtari pranë ndesh ndodhet aty për të na mbështetur”, shtoi ai.

Kjaer thotë se synimi i Danimarkës është finalja, por për ta arritur këtë i duhet ta tejkalojë Anglinë në gjysmëfinale.

“Ne e synonim Wembley dhe do të shkojmë atje. Do të gjenjeja po të thosha se jemi të kënaqur me gjysmëfinale”, theksoi ai.

Related posts

Disfata ndaj Chelseat është më e thella për Juventusin që nga viti 2004

D V

Bayerni shënjestëron Osimhenin si zëvendësues të Lewandowskit

D V

Oleksandr Usyk është i ‘frikësuar’ që të përballet me Tyson Furyn

D V

This website uses cookies to improve your experience. We'll assume you're ok with this, but you can opt-out if you wish. Accept Read More