Tetovë, 30 korrik – Këtë javë kanë filluar punimet ndërtimore për ndërtimin e objektit shtesë për Shkollën Ekonomike të Tetovës “8 Shtatori”. Në këtë mënyrë, shkolla do të bëhet edhe me katër klasa të reja si dhe një amfiteatër.
“Përgatitjet për vitin e ardhshëm shkollor për shkollën e mesme ekonomike do të thotë zgjerim i kapaciteteve mësimore. Ky është një projekt i zhvilluar nga shkolla, ideja e zgjerimit është përdorimi i ambienteve më të mëdha të mësimdhënies në klasë për drejtime profesionale. Do të vazhdojmë me mundësitë buxhetore për të mbështetur shkollat për një proces më të mirë arsimor”, tha kryetarja Teuta Arifi.
Për ndërtimin e lokaleve shtesë të shkollës janë ndarë nga buxheti komunal 7.2 milionë denarë.
