Sulmuesi i Manchester Unitedit, Anthony Martial është një opsion për të përforcuar sulmin e Juventusit në afatin kalimtar të janarit.
Juventusi ka nevojë për një sulmues të ri pasi skuadra e Massimiliano Allegrit ka shënuar vetëm 23 gola në 17 ndeshje në Serie A këtë sezon.
Shumë sulmues nga e gjithë Evropa janë lidhur me një lëvizje në Torino në janar, nga Dusan Vlahovic te Edinson Cavani, Mauro Icardi dhe Gianluca Scamacca.
Sipas La Gazzetta dello Sport, Martial i Manchester United është një tjetër opsion në tavolinë për Bianconerët.
Francezi dëshiron të largohet nga Old Trafford si huazim ose në një marrëveshje të përhershme në afatin kalimtar të janarit.
Agjenti i tij Philippe Lamboley konfirmoi në fillim të kësaj jave se sulmuesi dëshiron të largohet për shkak të mungesës së kohës së lojës.
“Ai thjesht duhet të luajë. Ai nuk dëshiron të qëndrojë në janar dhe unë do të flas me klubin së shpejti”, ka thënë Lamboley për Sky Sports UK.
