Monedha digjitale e Kinës është përdorur për herë të parë në transaksionet në tregun e brendshëm të kontratave me zbatim të ardhshëm.
“Gazeta e Letrave me Vlerë e Kinës” raportoi se juani digjital është përdorur në Bursën e Mallrave të Dalian-it për pagimin e tarifave të magazinimit në një depo dërgesash.
Transaksionet u mundësuan nga degët lokale të Bankës së Komunikimit dhe Bankës së Kinës.
Bursa tha se planifikon të promovojë më tej inovacionin e biznesit dhe të zgjerojë përdorimin e juanit digjital, duke garantuar një funksionim të sigurt dhe të qëndrueshëm të këtij tregu.
Kina ka nisur eksperimentimin e juanit digjital në disa qytete qysh nga viti 2019, duke përfshirë Dalian-in që mori pjesë në tetorin e vitit të kaluar.
