Julen Lopetegui ishte shumë pranë Milanit, pasi ishte kandidati kryesor për ta marrë drejtimin e gjigantit italian.
Megjithatë trajneri spanjoll në fund refuzoi të marrë drejtimin e kuqezinjve, por ai pati ofertë edhe nga rekordmenët gjermanë Bayern Munich.
Njësoj si Milanin, Lopetegui ka refuzuar edhe Bayernin dhe karrierën do ta vazhdoj në elitën e futbollit anglez Ligën Premier.
Megjithatë trajneri spanjoll duket se paska pasur të tjera plane sa i përket skuadrës që dëshiron të drejtojë.
Mediet britanike raportojnë se Lopetegui do të nënshkruajë një kontratë dy vjeçare me West Ham United me vlerë 4 milionë euro në sezon plus bonuse, me opsionin për të zgjatur bashkëpunimin që do të aktivizohet nëse “Hammers” e mbyllin të paktën një nga dy sezonet në vendin e shtatë, pra në zona e Evropës.
Detajet përfundimtare mungojnë ende, mes palëve ka një akord, megjithatë kontrata nuk është firmosur ende.
Do të ishte një befasi e madhe nëse marrëveshja do të prishej, por gjithçka në lidhje me arritjen e akordit ka ndodhur në ditët e fundit.
