Agjencia meteorologjike e Japonisë apelon për evakuimin e banorëve të ishullit jugor Kjushu para ardhjes së supertajfunit Nanmadol.
Sipas Qendrës së përbashkët të marinës amerikane për paralajmërim nga tajfunet e rrezikshme, Nanmadol mund të bëhet stuhia tropikale më shkatërruese që ka goditur Japoninë në dekadat e fundit.
Agjencia meteorologjike e Japonisë publikoi se sonte mund të lëshojë “paralajmërim të veçantë” për prefekturën Kagoshima dhe pjesët e tjera të Kjushus. Në komunikatë thuhet se në rajonet ka mundësi për dallgë të larta dhe për reshje shumë të dendura shiu.
