Agjencia Zhurnal.mk.

Janë ndarë 206 kontrata për fermerët për masën e re “Plani i biznesit në bujqësi” (PLT)

Shkup, 15 dhjetor – Sot në Shkup janë ndarë 206 kontrata për fermerët për masën e re “Plan biznesi në bujqësi”. Kontratat, të cilat janë pjesë e Programit për Zhvillim Rural për vitin 2023, të cilat u janë ndarë fermerëve përfitues të mbështetjes, janë në formë të bashkëfinancimit deri në 10 mijë euro për përfitues. 206 kërkesat e miratuara për grant janë në shumë të përgjithshme prej 86.000.000 denarëve apo 1.5 milionë euro.

Kryeministri Dimitar Kovaçevski, i cili foli në këtë ngjarje, theksoi se një vend i qëndrueshëm dhe i suksesshëm është ai që mbështetet në burimet e veta. Ai thekson se janë fermerët ata që i mundësojnë vendit tonë të mbështetet në burimet e veta dhe të shfrytëzojë të gjitha potencialet dhe resurset në të mirë të vendit dhe qytetarëve.

“Fermerët me këtë kanë mundësi të blejnë pajisje bujqësore, si pajisje për bletari, silose, pajisje për objekte për prodhimin e ushqimit me origjinë shtazore ose jo shtazore, autokombanje dhe një gamë të gjerë të llojeve të tjera të pajisjeve, me të cilën jemi në hap me nevojat dhe trendet bashkëkohore botërore. Jemi të kënaqur nga interesi i madh për këtë masë dedikuar për bujqit tanë e cila paraqet vlerë të shtuar në prodhimit të tyre. Qëllimi i secilit shtet është të prodhojë më shumë ushqim vendor. Prandaj vendosim fokus të fuqishëm të rritjes së prodhimit vendor të prodhimeve bujqësore dhe ushqim përmes masave konkrete nga të cilat përfitime kanë edhe bujqit, por edhe qytetarët”, tha Kovaçevski.

Potencoi se Qeveria ka ndërmarrë një sërë masash për subvencione dhe për mbështetje të prodhimit vendor të ushqimit, me qëllim, siç tha, ta ruajmë rritjen e ekonomisë dhe më lehttë të përballemi me sfidat nga kriza botërore ekonomike dhe energjetike.

Ministri i Bujqësisë Nikollovski theksoi se nga 206 kontrata, 121 kontrata janë fermerë të rinj.

“Do të thotë, 121 të rinj do të nënshkruajnë, ndërsa nga 206 kontrata, 121 janë gra, kështu që fokusi që kemi vënë tek të rinjtë dhe gratë vërtetohet me prova dhe fakte se ata janë të interesuar, se sektori i bujqësisë është në rritje dhe se gratë janë gjithnjë e më shumë të interesuara për prodhimtarinë bujqësore, tha ndër të tjera Nikoilovski. 

Ministri theksoi se një tjetër mbështetje e rëndësishme e realizuar për bujqit është Ligji për shërbime adekuate, me të cilin, siç theksoi, rrumbullakësohet mbështetja financiare.

Bujku Vasko Nedellkovski nga komuna e Mogillës theksoi se me bujqësi jetohet dhe e falënderoi Qeverinë për mbështetjen që e marrin.

Related posts

Valë e re shtrenjtimesh, masat e Qeverisë nuk japin efektet e pritura

Xh M

Banka Popullore: Në janar rritje vjetore prej 10 për qind në totalin e depozitave dhe 5.7 për qind të kredive

D V

Shporta minimale sindikale është 57,467 denarë

Xh M

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy