Nëpunës policorë nga Stacioni policor për kalim kufitar dhe mbikëqyrje kufitare Bogorodicë, sot në orën 14:30 në fshatin Udovë të Vallandovës, i privuan nga liria L.R.(21) dhe A.M.(20), të dy nga Republika e Serbisë.
Siç informojnë nga MPB, gjatë kontrollit në automjetin “mercedes” me targa nacionale serbe, të cilin e drejtonte L.R., ndërsa bashkëudhëtar ishte A.M., u gjetën katër persona – emigrantë nga Afganistani.
“Paraprakisht, automjeti nuk është ndalur në shenjën për ndalim, të dhënë nga nëpunësit policorë, me çka në tentimin për ikje është ndeshur në shtyllën e pompës së benzinës. Me atë rast, emigrantët morën lëndime të konstatuara nga ekipi i Ndihmës së shpejtë mjekësore Vallandovë. Pas dokumentimit të plotë të rastit, kundër personave do të parashtrohet padi adekuate penale”, ceket në kumtesën e MPB-së.